పోస్ట్ప్రొడక్షన్ కార్యక్రమాల్లో "16 డేస్"
|
ఈ సందర్భంగా హీరోయిన్ ఛార్మీ మాట్లాడుతూ... "16 డేస్"లో తాను పోషిస్తున్న పాత్ర తనకిష్టమైన పాత్రని, "ఏంజెల్"గా పిలువబడే ఈ రోల్ను ఆసక్తితో చేశానని చెప్పింది. "16 డేస్" తాను పోషించే పాత్ర ద్వారా అగ్ర హీరోల సరసన నటించే అవకాశం తనకు దక్కుతుందని ఛార్మీ ఆశాభావం వ్యక్తం చేసింది.
అంతేకాకుండా తన కెరీర్కు ఈ సినిమా టర్నింగ్ పాయింట్గా నిలుస్తుందని వెల్లడించింది. ఈ సినిమా కోసం చాలా హోమ్ వర్క్ చేశానని, ఇందులో ఓ రొమాంటిక్ సాంగ్తో పాటు అద్భుతమైన చిత్రీకరణ తనకెంతో నచ్చిందని ఛార్మీ చెప్పుకొచ్చింది.
దర్శకుడు ప్రభు సాలమన్ మాట్లాడుతూ... ఛార్మీ రోల్ ఈ సినిమాకు హైలైట్ అని, ఈ పాత్రలో ఛార్మీ విభిన్నంగా ప్రేక్షకుల ముందుకు రానుందని చెప్పారు. వైవిధ్యమైన కథాంశంతో తెరకెక్కనున్న ఈ సినిమాకు సంగీతం చక్కగా కుదిరిందని, ఇటీవల విడుదలైన ఆడియోకు శ్రోతల నుంచి మంచి స్పందన లభించిందని చెప్పారు.
ఈ చిత్రాన్ని సెప్టెంబర్ మూడో వారంలో విడుదల చేసేందుకు రంగం సిద్ధం చేస్తున్నామని ప్రభు వెల్లడించారు. ఇంకా ఈ చిత్రంలో కోట శ్రీనివాసరావు, జైప్రకాష్ రెడ్డి. బ్రహ్మానందం, ఎం.ఎస్. నారాయణ, అలీ, అజయ్, వేణుమాధవ్, మనోరమ తదితరులు నటిస్తున్నారు.
