''వరుడు''గా వస్తున్న ''అతిథి''

Publish: Mon, 1 Sep 2008 (17:42 IST) Updated: Mon, 1 Sep 2008 (17:40 IST)

File

FILE

తెలుగు వెండితెరపై 'అతిథి'గా కనిపించిన ప్రిన్స్ మహేష్ బాబు త్వరలో 'వరుడు'గా తెలుగు ప్రేక్షకుల ముందుకు రానున్నారు. 'పోకిరి' చిత్రంతో తెలుగు వెండితెర రికార్డులను తిరగరాసినా, 'అతిథి' చిత్రం పూర్తిగా నిరాశపరిచింది. ఈ నేపథ్యంలో కనకరత్నా మూవీస్ పతాకంపై సింగమల రమేష్ బాబు నిర్మిస్తున్న తాజా చిత్రం 'వరుడు'. ఈ చిత్రం షూటింగ్ వచ్చే 16వ తేదీన రాజస్థాన్‌లో జరుగనుంది.

ఆ తర్వాత హైదరాబాద్‌లో కీలక సన్నివేశాల చిత్రీకరణ జరుగుతుంది. ఇందులో మహేష్ బాబు సరసన.. పార్వతి మెల్టన్, తమన్నాలు హీరోయిన్లుగా నటించనున్నారు. ఈ చిత్రంపై మహేష్ బాబు భారీ ఆశలనే పెట్టుకున్నారు. అడ్వెంచర్ లవ్ సెంటిమెంట్‌తో ఈ చిత్ర కథ సాగుతుందని, అందువల్ల ఈ చిత్రం ఖచ్చితంగా ప్రేక్షకులను బాగా ఆకట్టుకుంటుందని చిత్ర యూనిట్ వర్గాలు ధీమా వ్యక్తం చేస్తున్నాయి.