సురేష్ ప్రొడక్షన్స్ పతాకంపై శ్రీకాంత్, ఛార్మీ, శివాజీ, గౌరీ ముంజల్ నటిస్తోన్న "కౌసల్య.. సుప్రజ.. రామ.." చిత్రం షూటింగ్ను పూర్తి చేసుకుంది. సూర్యప్రసాద్ దర్శకత్వం వహిస్తోన్న ఈ సినిమాకు నిర్మాత డా.డి. రామానాయుడు నిర్మాణ సారథ్యం వహిస్తున్నారు. ఈ సందర్భంగా రామానాయుడు చిత్ర విశేషాలను వెల్లడిస్తూ... వైజాగ్లోని తమ స్టూడియోలో శివాజీ, గౌరి ముంజల్తో తీసిన పాటతో షూటింగ్ పూర్తయిందన్నారు.
చక్కని కథ, కథనాలతో కుటుంబసమేతంగా చూడదగ్గ చిత్రమని ఆయన చెప్పారు. తమ పతాకంపై వస్తోన్న మరో అందమైన ఫ్యామిలీ ఎంటర్టైనర్ సినిమాగా తెరకెక్కనుందని, కోటి సంగీత సారథ్యంలో రూపొందిన పాటలు అందరినీ అలరిస్తాయని నమ్మకం వ్యక్తం చేశారు. ఈ నెల 15న ఆదిత్య మ్యూజిక్ ద్వారా ఆడియోను విడుదల చేస్తున్నామని, అక్టోబర్ 9వ తేదీన సినిమా విడుదల చేయడానికి సన్నాహాలు చేస్తున్నామని చెప్పారు.
ఇంకా ఈ చిత్రానికి మాటలు... సత్యానంద్, ఆర్ట్... బి. వెంకటేశ్వరరావు, కెమెరా... ప్రతాప్ వి. కుమార్, కథ, స్క్రీన్ప్లే, దర్శకత్వం... సూర్య ప్రసాద్.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
