రాజీవ్ కనకాల "పాయిజన్"

రాజీవ్ కనకాల, నాగేంద్రప్రసాద్, విజయ్ సామ్రాట్ కథానాయకులుగా, సింధు తులాని, సుహాసిని కథానాయికలుగా, ఫణిరాజు దర్శకత్వంలో డి. రమేష్ బాబు నిర్మిస్తున్న చిత్రానికి "పాయిజన్" అన్న టైటిల్‌ను ఖరారు చేశారు. రాజీవ్ మాట్లాడుతూ... చిత్రానికి ఏ టైటిల్ పెట్టాలా? అని ఆలోచిస్తుండగా కథానాయికల్లో ఒకరైన సుహాసిని సూచించిన ఈ టైటిల్ అందరికీ నచ్చిందని, దీంతో అదే టైటిల్‌ను ఖరారు చేశామన్నారు.

సినిమాను కథకు అనుగుణంగా దర్శకుడు అద్భుతంగా తీర్చిదిద్దారని సింధు తులానీ చెప్పారు. ఈ టైటిల్ పెట్టడంలో తన గొప్పతనమేమీ లేదని, తాను సూచించిన టైటిల్ పెట్టిన నిర్మాతదే ఆ గొప్పతనమని సుహాసిని అన్నారు.

దర్శకుడు ఫణిరాజ్ మాట్లాడుతూ... సింధుతులానిపై కొన్ని సన్నివేశాలను చిత్రీకరిస్తున్నామన్నారు. ఈ నెలాఖరుకు సినిమా పూర్తవుతుందని నిర్మాత రమేషే చెప్పారు.

ముమైత్ ఖాన్, ధర్మవరపు సుబ్రహ్మణ్యం, ఎం.ఎస్. నారాయణ, ఎ.వి.ఎస్. శ్రీనివాస రెడ్డి, గీతాసింగ్, మేల్కోటె, వాసు ఇంటూరి, సత్తెన్న తదితరులు నటిస్తున్న ఈ చిత్రానికి సంగీతం... చంద్రలేఖ, మాటలు.. రామస్వామి.