"దేవర కొండయ్య" ఆడియో విడుదల
|
ఈ సందర్భంగా ఆర్. నారాయణ మూర్తి మాట్లాడుతూ... ఈ చిత్రం టైటిల్ను దేవరకొండ నాగరాజు అని పెడదాం అనుకున్నామని, కానీ ఆ పేరు పెడితే ఆయన కుటుంబ కథ తీయాల్సి వస్తుందని దేవర కొండ వీరయ్య అని పెట్టామన్నారు.
ఇందులో సన్నాయి విద్వాంసునిగా నటించానని, తన పిల్లల్ని బాగా చదివించుకోవాలని ఆరాటపడుతుంటే, తండ్రిని చూడకుండా, కొడుకు విదేశాల్లో ఉంటాడు.
కూతురుపై మమకారంతో గొప్ప చదువు చెప్పించే ఆశలో పెంచితే విద్యాలయాల్లోని దుర్మార్గుల చేతిలో కూతురు బలైతే ఆయన ఎలాంటి ఆవేదనకు గురైయ్యాడనే పాయింట్ను ఇతివృత్తంగా తీసుకుని కథను మలిచామని వెల్లడించారు. నాయి బ్రాహ్మణుల జీవితం కళ్లకు కట్టినట్లుగా ఉంటుందని చెప్పారు.
సంఘ అధ్యక్షుడు దేవరకొండ నాగరాజు మాట్లాడుతూ... మానవుని జీవితంలో అవినాభావ సంబంధమున్న వృత్తిని నాయీ బ్రాహ్మణులు నిర్వర్తిస్తారని, మనిషి పుట్టుక నుంచి అన్ని కార్యక్రమాల్లో కీలక పాత్ర పోషించే నాయీ బ్రాహ్మణుల సమస్యలను ఇతివృత్తంగా తీస్తున్న నారాయణ మూర్తిక్తి కృతజ్ఞతలు తెలియజేస్తుకుంటున్నానన్నారు.
ఎక్కడో ఉన్న మమ్మల్ని ప్రజల ముందుకు తెచ్చిన ఆర్. నారాయణ మూర్తికి ప్రత్యేక ధన్యవాదాలు తెలుపుకుంటున్నామని వంగపండు ప్రసాద రావు, జయరాజ్ అన్నారు. ఇందులో కొడుకుపై రాసిన ఓ పాటను తాను పాడానని సంగీత దర్శకుడు వందేమాతరం శ్రీనివాస్ పేర్కొన్నారు.
