నిర్మాణానంతర కార్యక్రమాల్లో "కుంభకోణం"
|
సంజయ్ రాజ్, మోనికా చౌదరి హీరోహీరోయిన్లుగా నటించిన కన్నడ "కుంభకోణం"ను తెలుగులో అదే పేరుతో మానస ఫిలింస్ అనువదిస్తోంది. రాజులపూడి కోటేశ్వరరావు సమర్పణలో వినాయక్ నిర్మాతగా వ్యవహరిస్తున్నారు.
సమాజంలో స్వార్థపరుల కుంభకోణాన్ని ఓ పవర్ ఫుల్ పోలీసాఫీసర్ ఏవిధంగా చేధించాడనే ఇతివృత్తం ప్రధానాంశంగా ఈ చిత్రాన్ని రూపొందించినట్లు నిర్మాత తెలిపారు. ప్రస్తుతం నిర్మాణానంతర కార్యక్రమాలు జరుగుతున్నాయని, ఈ నెలాఖరులోగానీ, డిసెంబర్ మొదటి వారంలోగానీ చిత్రాన్ని విడుదల చేసేందుకు సన్నాహాలు చేస్తున్నామని సన్నాహాలు చేస్తున్నామని సహ నిర్మాతలైన లంకా రాజశేఖర్, సాధినేని శ్రీకాంత్లు చెప్పారు.
ఇంకా ఈ చిత్రంలో బ్రహ్మాజీ, రామిరెడ్డి, రఘునాథ రెడ్డి, కోట శంకరరావు, నరసింహరాజు, రవికిరణ్ తదితరులు నటించారు.
కథ, మాటలు.. శ్రీ కుమార్, పాటలు... సత్యముని, సంగీతం.. కిషన్ ఖావడియా, ఫైట్స్... రామన్, కెమెరా... కె. శ్రీనివాసరెడ్డి, స్క్రీన్ప్లే, దర్శకత్వం... కె.ఎస్. ప్రసాద్.
