"నాకొక గర్ల్ ఫ్రెండ్ కావలె!" పాటల విడుదల
|
సంతోష్ పవన్, మౌనిక, వైశాలి హీరోహీరోయిన్లుగా డ్రీమ్ ల్యాండ్ సినిమా పతాకంపై రూపొందుతోన్న చిత్రం "నాకొక గర్ల్ ఫ్రెండ్ కావలె!". ఎం. జానకిరామ్ రెడ్డి దర్శక నిర్మాణ సారథ్యంలో రూపుదిద్దుకుంటున్న ఈ సినిమా ఆడియో మార్కెట్లోకి విడుదలైంది. ముఖ్య అతిథి నిర్మాత సి. కళ్యాణ్ ఆడియోను ఆవిష్కరించి సీనియర్ జడ్జి ఉగ్రనరసింహకు అందజేశారు.
ఈ సందర్భంగా కళ్యాణ్ మాట్లాడుతూ... జానకి రామ్ రెడ్డి తమ సంస్థలో కొంతకాలం పనిచేశారని, పట్టుదలగల మనిషి అని కొనియాడారు. వెంగళ్దాస్ సంగీత దర్శకునిగా ఈ చిత్రం ద్వారా పరిచయమవుతున్నారని, పాటలు బాగున్నాయని కళ్యాణ్ అన్నారు. సినిమా కూడా విజయవంతం కావాలని ఆయన ఆకాంక్షించారు.
ఉగ్రనరసింహ మాట్లాడుతూ... ఈ కథలోని పోలీస్ పాత్రపై లీగల్గా తనతో చర్చలు జరిపారన్నారు. ఇందులో తాను ఓ పాత్రను పోషించానని చెప్పారు.
నర్సింగ్ రావ్ మాట్లాడుతూ... చక్కని సాహిత్యానికి సంగీతం తోడైందని, మెలోడి, మాస్, వెస్ట్రన్ తరహాలో పాటలుంటాయన్నారు. ఈ పాటలు అందరిని అలరిస్తాయని ఆశిస్తున్నట్లు వెల్లడించారు. తనకు వృత్తిపరంగా తృప్తినిచ్చిన చిత్రమిదని, సినిమాటోగ్రాఫర్ కె. శివరాం రెడ్డి తెలిపారు.
దర్శక నిర్మాత మాట్లాడుతూ... యూత్ఫుల్ ఎంటర్టైనర్గా ఈ చిత్రాన్ని తీర్చిదిద్దామన్నారు.
ఇంకా ఈ చిత్రంలో చిత్రం శ్రీను, సత్యం రాజేష్, గౌతం రాజు, జూ. రేలంగి, బండజ్యోతి, ప్రేమ్ కుమార్, కలీమ్, వరుణ్, మధు తదితరులు నటించారు. ఎడిటింగ్... రమేష్, కథ, స్క్రీన్ప్లే, నిర్మాత, దర్శకత్వం.. ఎం. జానకిరామ్ రెడ్డి.
