వైవిధ్య కథాంశంతో తెరకెక్కనున్న"గాయత్రి"

భూషణ్, గాయత్రిరావు హీరోహీరోయిన్లుగా సాయేంద్రరెడ్డి దర్శకత్వంలో "గాయత్రి" చిత్రం రూపొందుతోంది. లక్ష్మీభవానీ మూవీస్ ప్రైవేట్ లిమిటెడ్ పతాకంపై తెరపైకి రానున్న ఈ చిత్రం నిర్మాణానంతర కార్యక్రమాలను శరవేగంగా జరుపుకుంటోంది.

గాయత్రి అనే పేరుగల కథానాయిక పాత్ర చుట్టూ ఈ చిత్రం తిరుగుతుందని దర్శకుడు వెల్లడించారు. వైవిధ్యమైన కథాంశంతో గాయత్రిని చిత్రిస్తున్నామని ఆయన తెలిపారు. రీరికార్డింగ్ ఈ చిత్రానికి ప్రత్యేక ఆకర్షణగా నిలుస్తుందని చెప్పారు.

ఇంకా ఈ చిత్రానికి సంగీతం.. చక్రి, కెమెరా.. సురేందర్ రెడ్డి, కథ, మాటలు, స్క్రీన్‌ప్లే, దర్శకత్వం.. డి. సాయేంద్రరెడ్డి.