రవితేజ-బోయపాటి కాంబినేషన్లో కొత్త చిత్రం
|
ఇడియట్, అమ్మానాన్న ఓ తమిళమ్మాయి, భద్ర, విక్రమార్కుడు, కృష్ణ వంటి సూపర్హిట్ చిత్రాల హీరో రవితేజ, భద్ర, తులసి వంటి సూపర్హిట్ చిత్రాల దర్శకుడు బోయపాటి శ్రీనుల కాంబినేషన్లో వస్తోన్న ఈ సినిమాకు ఇప్పటికే సబ్జెక్ట్ రెడీ అయింది.
ఈ చిత్రం గురించి నిర్మాత గణేష్ బాబు మాట్లాడుతూ.. భారీ బడ్జెట్తో నిర్మిస్తున్న ఈ చిత్రం షూటింగ్ మార్చి 3వ వారంలో ప్రారంభమౌతోందన్నారు. ఏకధాటిగా జరిగే సింగిల్ షెడ్యూల్తో ఈ సినిమా పూర్తవుతుందని, భారీ తారాగణంతో అత్యున్నత సాంకేతిక విలువలతో ఈ చిత్రాన్ని నిర్మిస్తున్నామని నిర్మాత వెల్లడించారు.
ఇకపోతే.. "భద్ర" వంటి సూపర్హిట్ తర్వాత రవితేజ, బోయపాటి శ్రీను కలిసి చేస్తున్న ఈ చిత్రాన్ని గణేష్ బాబు కాంప్రమైజ్ అవకుండా నిర్మిస్తున్నారు. ఓ అగ్రకథానాయిక ఇందులో హీరోయిన్గా నటిస్తోంది.
ఇంకా ఈ చిత్రానికి సమర్పణ.. రవికిరణ్ బాబు, నిర్మాత.. గణేష్ బాబు, కథ, స్క్రీన్ప్లే, దర్శకత్వం.. బోయపాటి శ్రీను.
