కనీసం ఒక్క ఆస్కారైనా వస్తుంది: రెహ్మాన్
|
గతంలో ఇద్దరే ఇద్దరు భారతీయులు మాత్రమే ఆస్కార్ అవార్డులను గెలుచుకున్నారు. వీరిలో కాస్ట్యూమ్ డిజైనర్ భాను అథయా (గాంధీ చిత్రం-1982)కాగా, 1992లో లైఫ్టైమ్ అఛీవ్మెంట్ ఆస్కార్ అవార్డును బెంగాలీ ప్రముఖ దర్శకుడు సత్యజిత్ రేకు దక్కింది. కాగా, ఈ దఫా 'స్లమ్డాగ్ మిలీనియర్' చిత్రానికి మూడు అకాడెమీ అవార్డు నామినేషన్లు దక్కిన విషయం తెల్సిందే. వీటిలో ఒకటి మొత్తం చిత్రానికి కాగా, మరో రెండు నామినేషన్లు రెండు పాటలకు దక్కింది.
ఈ నేపథ్యంలో చెన్నయ్కు చెందిన రెహ్మాన్ మూడో ఆస్కార్ ఆవార్డును గెలుచుకునే సూచనలు కనిపిస్తున్నాయి. కాగా, బ్రిటీష్ ప్రభుత్వం ఇచ్చే బాఫ్టా అవార్డుల్లో ఉత్తమ సంగీత అవార్డును కూడా ఆదివారం రెహ్మాన్ గెలుచుకున్నారు. ఈ అవార్డును అందుకున్న రెహ్మాన్ మాట్లాడుతూ.. ఈ అవార్డు కోసం తాము గత 80 సంవత్సరాలుగా ఎదురుచూస్తున్నట్టు చెప్పారు. తనకు ఏది లభించిన అది దైవ అనుగ్రహంతోనే సమకూరుతుందని భావిస్తున్నట్టు చెప్పారు.
