ఫిక్కీ-ఐఐఎఫ్ఎ అవార్డు వేడుకలో "బిగ్ బి"కి సన్మానం
|
పదవ ఫిక్కీ-ఫ్రేమ్ మరియు ఐఐఎఫ్ఎ వార్షికోత్సవాలను పురస్కరించుకుని ఏర్పాటుచేసిన అవార్డు వేడుకలో బాలీవుడ్ మెగాస్టార్ అమితాబ్ బచ్చన్కు ఘన సత్కారం లభించింది. అమితాబ్తో పాటు టాప్-10 బాలీవుడ్ సినీతారలను కూడా ఈ అవార్డు వేడుక సన్మానించింది.
మంగళవారం రాత్రి ముంబైలో జరిగిన ఈ అవార్డు ఫంక్షన్లో బాలీవుడ్ అందాల రాశులు ఐశ్వర్యారాయ్, కరీనా కపూర్, ప్రియాంక చోప్రా, ప్రీతి జింటా, శిల్పాశెట్టి, అగ్ర హీరోలు అమీర్ ఖాన్, షారూఖ్ ఖాన్, అక్షయ్ కుమార్, హృతిక్ రోషన్లు ఫిక్కీ ఐఐఎఫ్ఎ అవార్డులను సొంతం చేసుకున్నారు.
ఇదేవిధంగా... ఫిక్కీ-యుఎస్ఐబిసి (యుఎస్-ఇండియా బిజినెస్ కౌన్సిల్) అవార్డును హాలీవుడ్ సినీ నటుడు డానీ గ్లోవర్ మరియు కాంగ్రెస్ నేత జాన్ లివీస్ కైవసం చేసుకున్నారు.
ఈ నెల ఐదో తేదీతో 40 సంవత్సరాలు పూర్తి చేసుకున్న అమితాబ్ బచ్చన్ ఈ సందర్భంగా మాట్లాడుతూ.. సినీరంగంలో తాను ఒక కళాకారుడు కావడం ఆనందంగా ఉందని చెప్పారు. ఫిక్కీ అవార్డులను గెలుచుకున్న సినీతారలకు అమితాబ్ ఈ సందర్భంగా అభినందనలు తెలియజేశారు. హాలీవుడ్ నటుడు డానీ గ్లోవర్ మాట్లాడుతూ.. ప్రపంచంలోనే అమితాబ్ గొప్ప నటుడని కొనియాడారు.
