ఆత్మహత్యలొద్దంటున్న భరణి "కీ"
|
చిత్రం గురించి భరణి తెలుపుతూ.. చాలామంది జీవితంలో ఏది సాధించలేక, ప్రేమ విఫలం, పరీక్షల్లో ఫెయిల్.. ఇలా రకరకాలుగా మానసిక దౌర్భల్యానికి గురవుతూ ఆత్మహత్యలు చేసుకోవాలనుకుంటారు. అలాంటి ఆలోచనలు రాకుండా మన మెదడులోనే ఓ కీ ఉంటుంది. దాన్ని మనం గుర్తించే ప్రయత్నం చేయాలి. అదే ఈ లఘు చిత్రమని చెప్పారు. ప్రస్తుతం ఈ చిత్రాన్ని అంతర్జాతీయ ఉత్సవాలకు పంపామని, ఫలితాలు ఇంకా రావాల్సి ఉన్నాయని అన్నారు.
నటుడు షఫి మాట్లాడుతూ.. "సిరా" చిత్రం తర్వాత భరణి ఓ సినిమా చేద్దామన్నారు. నటుడిగా మట్టి ముద్దలాంటి వాడిగా ఆయన చేతుల్లో ఒదిగిపోయానని వెల్లడించారు. ఇటువంటి చిత్రాలు చూసి మానసిక ధైర్యాన్ని పెంపొందింపజేసుకుంటారని ఆశిస్తున్నట్లు షఫి అన్నారు.
జయలలిత వ్యాఖ్యానిస్తూ.. నిర్మాతగా ఈ చిత్రం ద్వారా తొలి అడుగు వేస్తున్నానని, నటిగా ఎన్ని చేశాననే విషయం పక్కన పెడితే.. "కీ" ద్వారా మంచి సినిమా తీశాననే సంతృప్తి కలిగిందన్నారు. మనసాక్షికోసం ఈ చిత్రాన్ని తీశానని, కొన్ని బతుకు దీపాలను వెలిగించాలనే ఆశయంతో ఈ చిత్రాన్ని నిర్మించానని చెప్పారు. త్వరలో ఈ చిత్రాన్ని పలు థియేటర్లలో ప్రదర్శించనున్నట్లు భరణి తెలియజేశారు.
