"నిన్ను చేరాలని" ఆడియో విడుదల

WD

బాలాదిత్య, అనిల్ హీరోలుగా రూపా, సానియా హీరోయిన్లుగా వి.వి.వి. సత్యనారాయణ దర్శకత్వంలో రూపుదిద్దుకుంటోన్న చిత్రం "నిన్ను చేరాలని". శారదా ప్రొడక్షన్స్ పతాకంపై డి. లక్ష్మీనారాయణ నిర్మించిన ఈ సినిమా ఆడియో ఇటీవలే విడుదలైంది. ఇందులో మొత్తం ఐదు పాటలున్నాయి.

యువతను ఆకట్టుకునే కథాంశంతో ఈ సినిమా తెరకెక్కనుందని వి.వి.వి. సత్యనారాయణ అన్నారు. ఇంకా ఈ చిత్రానికి నిర్వహణ.. లక్కిరెడ్డి హనిమరెడ్డి, వై. హరికృష్ణ, కథ, మాటలు.. అజయ్ కుమార్, కెమేరా.. మురలీ వై. కృష్ణ, సంగీతం.. అర్జున్.