ముమైత్ ఖాన్ "టార్గెట్" ఆడియో విడుదల
|
ఆడియో విడుదల సందర్భంగా కోటి మాట్లాడుతూ.. ఈ చిత్ర కథ విన్నప్పుడు మంచి విజయం సాధిస్తుందని భావించానని, ముమైత్, శివబాలాజీల నటన ఈ సినిమా హైలైట్గా నిలుస్తుందన్నారు.
ఎస్.వి.కృష్ణారెడ్డి మాట్లాడుతూ.. ఈ చిత్ర యూనిట్ అంతా ఈ సినిమాను ఓ టార్గెట్గా తీసుకుని చేశామన్నారు. ఈ చిత్రం మంచివిజయం సాధించాలని కృష్ణారెడ్డి ఆశించారు.
సి. కళ్యాణ్ మాట్లాడుతూ.. గతంలో ఈ చిత్ర దర్శకుడు తాను దర్శకత్వ శాఖలో పనిచేశామని, రమేష్ రాజా టాలెంట్ వున్నదర్శకుడని, ముమైత్ను మరో విజయశాంతిలా భావించవచ్చునని కొనియాడారు. అన్ని హంగులతో ఈ చిత్రం ప్రేక్షకులను అలరించనుందని చెప్పారు.
ముమైత్ ఖాన్ మాట్లాడుతూ.. ఈ సినిమా ఎప్పుడు విడుదలవుతుందా అని ఎదురు చూస్తున్నానని, ఈ సినిమాలో పనిచేసినఅందరికీ ఈ సందర్భంగా కృతజ్ఞతలు తెలుపుకుంటున్నానని ముమైత్ అన్నారు.
