భార్గవి చివరి సినిమా "హాలీడేస్"
స్నేహాలు, ప్రేమలు, భావోద్వేగాలు లాంటి అందమైన మలుపులతో, చక్కటి సాహిత్యంతో ఇంపైన సంగీతంతో "హాలీడేస్" చిత్రం రూపొందుతోంది. ఆర్.సి.ఎం. సినీ చిత్ర పతాకంపై ఎస్.ఎస్. కుమార్ దర్శకత్వంలో ఎ. రామిరెడ్డి ఈ చిత్రాన్ని నిర్మిస్తున్నారు. ఇప్పటికే ఓ పాట మినహా సినిమా షూటింగ్ పూర్తయింది. మరోవైపు పోస్ట్ప్రొడక్షన్స్ కార్యక్రమాలు జరుపుకుంటున్నాయి. మిగిలిన ఓ పాటను చెన్నైలో చిత్రీకరిస్తున్నామని నిర్మాత చెప్పారు. కాలేజీ జీవితంలో ప్రతి మనిషికి ఎన్నో అనుభూతులు, అనుభవాలు జరుగుతుంటాయని, ఇదే నేపథ్యంలో ఈ చిత్రం రూపొందిందన్నారు. ఇందులో శివనాగ్, భార్గవి, సానియా హీరోహీరోయిన్లు.
