Ramanjaneya films in recording | రామాంజనేయ ఫిలింస్ రికార్డింగ్ ప్రారంభం

జై శ్రీరామాంజనేయ ఫిలింస్ పతాకంపై చదలవాడ హరికృష్ణ, పవన్‌తేజ, ప్రీతమ్ హీరోలుగా నిర్మిస్తోన్న తాజా చిత్రం పాటల రికార్డింగ్ కార్యక్రమాలను జరుపుకుంటోంది. ఈ సందర్భంగా చిత్ర దర్శకుడు జింకా హరీష్ బాబు మాట్లాడుతూ.. ప్రస్తుత సమాజంలో జరుగుతున్న యధార్థ సంఘటనలను ఆధారంగా తీసుకుని ఒక చిన్న మార్పుకోసం ఈ చిత్రాన్ని రూపొందించామన్నారు. ఈ సినిమాలో హీరోయిన్ క్లాసికల్ డాన్సర్‌ పాత్రను పోషిస్తోందని తెలిపారు.

ఈ సమాజంలోని 100 శాతంలో 75 శాతం ప్రేమ వివాహాలు జరుగుతున్నాయి. అందులో 50శాతం వివాహాలు విడాకులకు దారి తీస్తున్నాయి. ఈ నేపథ్యంలో... పెద్దలు నిశ్చయించిన పెళ్లి గొప్పదా? ప్రేమ వివాహాలు గొప్పవా? అనే పాయింట్‌తో సినిమాను నిర్మిస్తున్నామన్నారు.

నిర్మాత జక్కుల సంధ్య మాట్లాడుతూ.. కథ బాగా నచ్చి ఈ చిత్రాన్ని నిర్మిస్తున్నానని, ఈ నెల 22 నుంచి రెగ్యులర్ షూటింగ్‌ను ప్రారంభిస్తున్నట్లు తెలిపారు.

ఇంకా ఈ సినిమాకు సంగీతం. మోహన్ సాదు, కెమేరా... భాస్కర పట్ల మురళీ, కథ, స్క్రీన్‌ప్లే, దర్శకత్వం.. జింకా హరీష్ బాబు.