Sumanth "Boni" Movie Song realeased | "బోణి" పాటల విడుదల
|
ఆడియో విడుదల సందర్భంగా కోటి మాట్లాడుతూ.. రమణగోగుల చాలా కష్టపడి ఈ సినిమా తీశారని, కష్టమే మంచి ఫలితం ఇస్తుందని చెప్పారు. గ్రీన్మ్యాంగో సంస్థ నిర్మించే ఎల్లో మ్యాంగోలా రుచికరంగా ఉండాలని కోరుకుంటున్నట్లు కోటి వెల్లడించారు.
రమణగోగుల మాట్లాడుతూ.. సినిమాకు కథ ఎంత అవసరమో టెక్నీషియన్స్ కూడా అంతే అవసరమన్నారు. ఈ చిత్రంలోని పాటలను తెలుగువారితోనే పాడించానని, తన సినిమాల్లో ఉదిత్నారాయణ వంటి వారినే ఎందుకు పాడిస్తారనే విలేకరుల అడిగే ప్రశ్నకు ఇదే సమాధానమన్నారు.
చక్రి మాట్లాడుతూ... రమణగోగుల నిర్మాత కావడం ఆనందంగా ఉందన్నారు. ఈ సినిమా పెద్ద హిట్ కావాలని ఆశించారు. ఈ సినిమా పోస్టర్లోనే కొత్తదనం కన్పిస్తోందని, అన్ని వర్గాల ప్రేక్షకులను ఆకట్టుకునే రీతిలో ఈ సినిమా ఉంటుందని లగడపాటి శ్రీధర్ అన్నారు.
దర్శకుడు మాట్లాడుతూ.. ఈ చిత్ర కథాంశం చాలా కొత్తదనంగా ఉంటుందని తెలిపారు. నిర్మాతతో పాటు చిత్రయూనిట్ అంతా చాలా కష్టపడ్డారని, తప్పకుండా ఈ సినిమా విజయవంతమవుతుందని రాజ్ పిప్పళ్ళ ఆశించారు.
ఇంకా ఈ కార్యక్రమంలో రచయితలు రాజసింహ, రామజోగయ్యశాస్త్రి, జయంత్, అనిత, కథానాయిక కృతి, నిక్కీ గేోగుల తదితరులు హాజరైయ్యారు.
