Magadhira comes on May Month | పునర్జన్మల నేపథ్యంలో సాగే ప్రేమకథగా "మగధీర"
|
చిత్ర నిర్మాత అల్లు అరవింద్ ఈ చిత్ర విశేషాలను తెలియజేస్తూ.. చరణ్ను కథానాయకుడిగా మరోమెట్టుపైకి తీసుకెళ్లే చిత్రమిదన్నారు. టైటిల్ చిత్రానికి సరిపోతుందని, సినీ చరిత్రలో కొత్త ట్రెండ్కు "మగధీర" శ్రీకారం చుడుతుందని అరవింద్ తెలిపారు. ఈ వేసవిలో చక్కటి వినోదాన్ని పంచేందుకు ఈ సినిమా సిద్ధమవుతోందని, చారిత్రక నేపథ్యంలో సాగే కొన్ని సన్నివేశాలను రాజస్థాన్, గుజరాత్ ప్రాంతాల్లో చిత్రీకరించామని ఆయన వెల్లడించారు.
ఇందులో "బంగారు కోడిపెట్ట.." అనే రీమిక్స్ గీతంలో చిరంజీవి, చరణ్ కలిసి నటించడం ఈ సినిమా విశేషమని అల్లు అరవింద్ తెలిపారు. ఈ నెలాఖరులో పాటల్ని, మేలో సినిమాను విడుదలచేయడానికి సన్నాహాలు చేస్తున్నామని ఆయన అన్నారు. ఈ సినిమాలో శ్రీహరి ముఖ్యపాత్ర పోషిస్తున్నారని అరవింద్ వివరించారు.
ఇంకా ఈ చిత్రానికి కెమెరా... సెంథిల్, కథ.. వి. విజయేంద్రప్రసాద్, సంగీతం.. ఎం.ఎం. కీరవాణి.
