Sabari| Socio Mythological| Madhulika| Roopa Kaur| Rami Reddy| Konda Valasa| Shooting | సోషియో మైథిలాజికల్ చిత్రంగా "శబరి"
"శబరి" అనే పేరుతో సోషియో మైథిలాజికల్ చిత్రం రూపొందుతోంది. నరసింహారెడ్డి, రవిచాట్ల నిర్మిస్తోన్న ఈ చిత్రానికి జయశేఖర్ కల్లు దర్శకత్వం వహిస్తున్నారు.
ఎలాంటి ఆర్భాటాలు లేకుండా ప్రారంభమైన ఈ చిత్రం నలభై రోజుల పాటు హైదరాబాద్ పరిసర ప్రాంతాల్లో ఏకధాటిగా జరిగిన సింగిల్ షెడ్యూల్తో షూటింగ్ను పూర్తి చేసుకుంది. ఈ సందర్భంగా చిత్ర యూనిట్ పాత్రికేయుల సమావేశం ఏర్పాటు చేసింది.
ఈ సమావేశంలో దర్శకుడు మాట్లాడుతూ.. జూబ్లీహిల్స్లోని బూత్ బంగ్లాలో ఈ సినిమాకు సంబంధించిన కొన్ని సన్నివేశాలను చిత్రీకరిస్తున్నట్లు చెప్పారు. శబరి పాత్రను సాంఘిక పరంగా చేసి ఈనాటి పరిస్థితులకు అనుగుణంగా తీర్చిదిద్దుతున్నామని ఆయన అన్నారు. "శబరి" దర్శకుడిగా తనకు ఈ అవకాశం కల్పించిన నిర్మాతలకు జయశేఖర్ ఈ సందర్భంగా కృతజ్ఞతలు తెలియజేశారు.
సందర్భానుసారంగా ఉండే ఇందులోని ఐదుపాటలకు యువ సంగీత దర్శకుడు సుకుమార్ పి. రాజ్ అద్భుతమైన ట్యూన్స్ అందించారు. ఈ చిత్ర విజయంలో ఆడియో కీలక పాత్ర పోషిస్తుందని నిర్మాతలు ఆశాభావం వ్యక్తం చేశారు.
ఇంకా ఈ చిత్రంలో రూపాకౌర్, మధులిక, రామిరెడ్డి, కొండవలస తదితరులు నటిస్తున్నారు. కెమెరా: కళ్యాణ్ సమి.
