Danush| Chaya Singh| Konte Kurradu Penki Pilla| Rajini Kanth | ధనుష్ హీరోగా "కొంటెకుర్రాడు పెంకిపిల్ల"
WD
"కొంటెకుర్రాడు పెంకిపిల్ల" అనే పేరుతో రూపుదిద్దుకుంటోన్న ఈ చిత్రం గురించి సమర్పకులు వై. శ్రీనివాస్ మాట్లాడుతూ... కుటుంబ కథాంశంతో రూపొందిన ఈ చిత్రం అన్ని వర్గాల ప్రేక్షకులను ఆకట్టుకుంటుందన్నారు.
డిగ్రీ వరకు చదువుకుని మంచి ఉద్యోగం చేస్తూ ఓ పెంకిపిళ్ళను ప్రేమలో పడిన హీరో, అనంతరం తన తండ్రి ఉద్భోధతో బాధ్యతను తెలుసుకుని ప్రేమకు నమస్కారం చెప్పి..ముందు తన బాధ్యతలను నెరవేర్చాలనుకుంటాడు.
అయితే ఈ లోపల అతని జీవితంలో ఎలాంటి మార్పులు జరుగుతాయి? వాటిని హీరో ఎలా పరిష్కరించుకోగలుగుతాడు? అనేదే "కొంటెకుర్రాడు పెంకిపిల్ల" కథాంశమని సమర్పకులు వివరించారు.సెప్టెంబర్ పదోతేదీ నుంచి డబ్బింగ్ని మొదలు పెట్టి నెలాఖరు కల్లా తొలికాపీని సిద్ధం చేస్తామని శ్రీనివాస్ చెప్పారు.
యంగ్హీరో ధనుష్ కథానాయకుడిగా నటించిన ఈ చిత్రంలో ఛాయాసింగ్ కథానాయికగా నటిస్తోంది. సుకీ, కరుణాస్ తదితరులు నటించిన ఈ చిత్రానికి పాటలు: భాస్కర పట్ల, సంగీతం: దిన, ఛాయాగ్రహణం: జి. రమేష్, కళ: రామ్కి పనిచేసిన సాంకేతిక వర్గం, సమర్పణ: వై. శ్రీనివాస్, నిర్మాణం: ఫ్యూచర్స్ ఫిల్మ్స్.
