Tarun| Vimala Raman| Bangkok| Family Entertainer| Evarina Eppudina | బ్యాంకాక్ వెళ్లొచ్చిన తరుణ్, విమలారామన్ చిత్రం!

WD

తరుణ్, "ఎవరైనా ఎప్పుడైనా" ఫేమ్ విమలారామన్ హీరోహీరోయిన్లుగా నటిస్తోన్న తాజా చిత్రం షూటింగ్ తొలి షెడ్యూల్ బ్యాంకాక్‌లో పూర్తయ్యింది. ప్రణవ్ స్టూడియో సమర్పణలో సుప్రీం మూవీస్ పతాకంపై రాజు నిర్మిస్తోన్న ఈ చిత్రానికి వి.ఎన్. ఆదిత్య దర్శకత్వం వహిస్తున్నారు.

ఈ చిత్రం గురించి దర్శకుడు మాట్లాడుతూ.. బ్యాంకాక్‌లో జరిగిన షెడ్యూల్తో 30 శాతం టాకీ పూర్తయిందన్నారు. మిగిలిన టాకీపార్ట్‌ను, రెండు పాటలను హైదరాబాద్‌లో చిత్రీకరిస్తామని ఆయన వెల్లడించారు.

సెప్టెంబరులో జరిగే షూటింగ్‌తో దాదాపు షూటింగ్ పూర్తవుతుందని ఆదిత్య తెలిపారు. ఫ్యామిలీ ఎంటర్‌టైనర్‌గా తీర్చిదిద్దే ఈ చిత్రం సంగీత ప్రాధాన్యత గలదని వివరించారు. అనూప్ రూబెన్స్ సంగీతం ఈ చిత్రానికి హైలైట్‌గా ఉంటుందని ఆయన అన్నారు.

ఇంకా ఈ చిత్రానికి సినిమాటోగ్రఫీ: వాసు, ఎడిటింగ్: గౌతంరాజు, స్క్రీన్‌ప్లే, దర్శకత్వం: వి.ఎన్. ఆదిత్య.