Prabhas| Kajal Agarwal| Darling| Cinema| Tholi Prema| Magadheera| Switzerland| Prabhu | ప్రభాస్, కాజల్ అగర్వాల్ జంటగా కొత్త చిత్రం!

WD

యంగ్‌రెబల్‌ స్టార్ ప్రభాస్ హీరోగా, 'తొలిప్రేమ' కరుణాకరన్ దర్శకత్వంలో 'ఛత్రపతి' ప్రసాద్ శ్రీ వేంకటేశ్వర సినీ చిత్ర ఇండియా ప్రైవేట్ లిమిటెడ్ పతాకంపై నిర్మిస్తోన్న భారీ చిత్రం రెండో షెడ్యూల్ స్విట్జర్లాండ్‌ జరుగుతుంది.

ఈ షెడ్యూల్ విశేషాల్ని 'ఛత్రపతి' ప్రసాద్ చెబుతూ.. సెప్టెంబర్ 28 నుంచి నెలరోజులపాటు స్విట్జర్లాండ్‌లో జరిగే షెడ్యూల్లో ప్రభాస్, కాజల్‌ అగర్వాల్‌లపై రెండు పాటల్ని, ప్రభాస్ పాల్గొనే ఓ ముఖ్యమైన ఛేజ్‌ని చిత్రీకరిస్తున్నట్లు తెలిపారు.

అలాగే ముఖ్యతారగణం పాల్గొనే మరికొన్ని సన్నివేశాలను కూడా షూట్ చేస్తున్నామని ప్రసాద్ వెల్లడించారు. సెప్టెంబర్ షెడ్యూల్ పూర్తయ్యాక, వైజాగ్, అరకులోయల్లో ఓ భారీ షెడ్యూల్ ఉంటుందని ఆయన అన్నారు.

ప్రభాస్, 'మగధీర' కథానాయిక కాజల్ అగర్వాల్ హీరోయిన్‌గా నటిస్తోన్న ఈ చిత్రంలో తమిళ హీరో ప్రభు ఓ ముఖ్యపాత్ర పోషిస్తున్నారు.

ప్రముఖ తారాగణం ముఖ్యపాత్రలు పోషిస్తున్న ఈ చిత్రానికి సంగీతం: జి.వి.ప్రకాష్ కుమార్, ఫోటోగ్రఫీ: ఆండ్రూస్, ఫైట్స్: పీటర్ హెయిన్స్, ఎడిటింగ్: కోటగిరి వెంకటేశ్వరరావు, ఆర్ట్: అశోక్, నిర్మాత: బి.వి.ఎస్.ఎన్ ప్రసాద్, కథ-స్క్రీన్‌ప్లే-దర్శకత్వం: కరుణాకరన్.

ఇకపోతే.. ఈ చిత్రానికి "డార్లింగ్" అనే పేరును ఖరారు చేయనున్నట్లు ఫిలిమ్ నగర్ వర్గాల్లో వార్తలు షికార్లు చేస్తున్నాయి.