Joy| Telugu| Cinema| Youthful Entertainer| Avitej| Trinath| Parvathy| Vainavi | యూత్ఫుల్ ఎంటర్టైనర్గా తెరకెక్కనున్న "జాయ్"
WD
పలువురు ప్రముఖ దర్శకుల వద్ద దర్శకత్వశాఖలో పనిచేసిన టాలెంటెడ్ డైరక్టర్ బి. రాజా ఈ సినిమా ద్వారా దర్శకుడిగా పరిచయమవుతున్నారు. ప్రస్తుతం షూటింగ్ కార్యక్రమాలను పూర్తి చేసుకున్న "జాయ్" పోస్ట్ ప్రొడక్షన్ కార్యక్రమాలను జరుపుకుంటోంది.
అన్ని కార్యక్రమాలు పూర్తి చేసుకుని నవంబరులో ఈ సినిమాను విడుదల చేసేందుకు సన్నాహాలు చేస్తున్నామని చిత్ర దర్శకుడు బి. రాజా అన్నారు. కళాశాల నేపథ్యంలో సాగే ఈ చిత్రంలో ఇద్దరు అమ్మాయిలు, ఇద్దరు అబ్బాయిలు ఎంతో స్నేహంగా ఉంటారు. వారి మధ్య అనుకోకుండా ప్రేమ చిగురిస్తుంది.
అయితే వారి స్నేహానికి ప్రేమ మచ్చకాకూడదన్న ఉద్దేశంలో ప్రేమను మనసులోనే దాచుకుంటారు. ఈ క్రమంలో జరిగే సంఘటనలతో వారి స్నేహం గెలిచిందా? ప్రేమ గెలిచిందా? అనే పాయింట్తో ఈ చిత్రం రూపుదిద్దుకుందని రాజా తెలిపారు.
నేటి ట్రెండ్కు అనుగుణంగా యూత్ని ఆకట్టుకునే అంశాలతో రూపొందిన ఈ చిత్రం తప్పకుండా విజయం సాధిస్తుందని దర్శకుడు ఆశాభావం వ్యక్తం చేశారు. ఇంకా ఈ చిత్రానికి విద్యాసాగర్ అందించిన సంగీతం హైలైట్గా నిలుస్తుందని, పాటలన్నీ వినసొంపుగా ఉంటాయని రాజా వెల్లడించారు.
నిర్మాత మాట్లాడుతూ.. చక్కని కాన్సెప్ట్తో తెరకెక్కనున్న "జాయ్" చిత్రం అందరినీ ఆకట్టుకుంటుదని నమ్మకం వ్యక్తం చేశారు. ఈ నెలలోనే ఒక ప్రముఖ ఆడియో కంపెనీ ద్వారా ఆడియో రిలీజ్ చేసి, నవంబరులో చిత్రాన్ని రిలీజ్ చెయ్యడానికి రంగం సిద్ధం చేస్తున్నామన్నారు.
ఇంకా ఈ చిత్రానికి పాటలు: భువనచంద్ర, మాటలు: స్వర్ణ సుధాకర్, ఎడిటింగ్: వి.టి. విజయన్, ఆర్ట్: వెంగల్ రవి, ఎగ్జిక్యూటివ్ ప్రొడ్యూసర్: ఎన్.గోపాల్.
