Suman| Sivaji| Villain| Sivappu malai| Red Rain| Guinness Record| Dasara, Deepavali | ఆ రెండు అవార్డులు లభించడం నా అదృష్టం: సుమన్

WD

దసరా, దీపావళి పండుగల సందర్భంగా తనకు రెండు అవార్డులు లభించడం అదృష్టంగా భావిస్తున్నానని ప్రముఖ నటుడు సుమన్ అన్నారు. తమిళ సూపర్ స్టార్ రజినీకాంత్ నటించిన "శివాజీ"లో చేసిన విలన్ పాత్రకు తమిళనాడు ప్రభుత్వం నుంచి "ఉత్తమ విలన్" అవార్డు దక్కడం మరిచిపోలేని మధురానుభూతిగా సుమన్ పేర్కొన్నారు.

అదేవిధంగా "సిగప్పుమళై" (రెడ్ రైన్) అనే మలయాళ సినిమాలో నటించినందుకుగాను దీపావళినాడు "గిన్నిస్‌బుక్ ఆఫ్ వరల్డ్ రికార్డ్"లో తన పేరు నమోదు చేసుకోవడం మరో మధురానుభూతి అని సుమన్ తెలిపారు.

ఈ చిత్రాన్ని 11 రోజుల 23 గంటల 35 నిమిషాల్లో పూర్తిచేసి 12రోజునే రిలీజ్ చేయడమే గొప్ప రికార్డ్ అని సుమన్ వివరించారు. ప్రస్తుతం స్వామి మణికంఠ అనే చిత్రంలో సుమన్ నటిస్తున్నారు.

ఈ సినిమా షూటింగ్ సోమవారం నాడు హైదరాబాద్‌లో లాంఛనంగా ప్రారంభమైంది. ఇందులో తాను అయ్యప్ప స్వామి భక్తునిగా నటిస్తున్నానని సుమన్ చెప్పారు. ఇది తమిళం, తెలుగు, మలయాళ భాషల్లో రూపొందుతోందని ఆయన చెప్పారు.