Buridi, Shooting, Evv Satyanarayana, Aryan Rajesh | శరవేగంతో "బురిడి" షూటింగ్

WD

కామెడీ చిత్రాలను రూపొందించడంలో ప్రత్యేక శైలిని ఏర్పరచుకున్న సక్సెస్‌ఫుల్ దర్శకుడు ఈవీవీ సత్యనారాయణ దర్శకత్వంలో కొత్త సంవత్సరం రోజు ప్రారంభమైన బురిడి చిత్రం శరవేగంతో షూటింగ్ జరుపుకుంటోంది.

ఆర్యన్ రాజేష్, నూతన తార ఐశ్వర్య జంటగా బిగ్ బి ప్రొడక్షన్స్ పతాకంపై రూపొందుతున్న ఈ చిత్రం కోసం ఇప్పటి వరకూ రఘుబాబు, ఎమ్మెస్ నారాయణ, అలీ, జ్యోత్స్న, జయప్రకాష్ రెడ్డి, శకుంతల తదితరులపై కామెడీ దృశ్యాలను చిత్రీకరించినట్లు ఇవివి సత్యనారాయణ శనివారం తెలిపారు.

ఆద్యంతం వినోదభరితంగా సాగే ఇతివృత్తంతో నిర్మాణమవుతున్న ఈ చిత్రం కోసం రాత్రింబవళ్లు షూటింగ్ జరుగుతోందని ఎగ్జిక్యూటివ్ నిర్మాత ఈదర రవికుమార్ చెప్పారు. మాటలు: జనార్థన మహర్షి, సంగీతం: కోటి, నిర్మాతలు: ఈదర శ్రీనివాస్, ఈడ్పుగంటి పూర్ణచంద్రరావు, కథ-స్క్రీన్ ప్లే- దర్శకత్వం: ఇవివి సత్యనారాయణ