Ram Gopal Varma | Rann | Freedom | National Anthem | Freedom | భారత్‌లో స్వేచ్ఛ రిమోట్ కంట్రోల్డ్‌గా ఉంది: వర్మ

WD

రామ్ గోపాల్ వర్మ ఏది మాట్లాడినా సంచలనమైన వ్యాఖ్యే అవుతుంది. తాజాగా మరో వ్యాఖ్య చేశారు వర్మ. భారత్‌లో స్వేచ్ఛ రిమోట్ కంట్రోల్డ్‌గా ఉందని అన్నారు. రణ్ చిత్రంలో ప్రజాస్వామ్యం రిమోట్ కంట్రోల్డ్‌గా ఉందని ఓ పాత్రతో చెప్పించాననీ, అయితే భారతదేశంలో స్వేచ్ఛ కూడా రిమోట్ కంట్రోల్డ్‌లోనే ఉన్నట్లు అనుకుంటున్నట్లు ఆయన తన అభిప్రాయాన్ని వ్యక్తం చేశారు.

దేశంలో మనం స్వేచ్ఛను ఎంతమేరకు అనుభవిస్తున్నామన్న దానిపై తనకు ఎన్నో సందేహాలున్నాయన్నారు. దేనిగురించైనా మాట్లాడితే... మమ్మల్ని ఉద్దేశించి మాట్లాడారంటూ కొంతమంది విమర్శిస్తుంటారనీ, మరలాంటప్పుడు ఇక స్వేచ్ఛగా మాట్లాడే పరిస్థితి ఎక్కడ ఉందని ప్రశ్నించారు.

పరిటాల- సూరి ఫ్యాక్షనిజం నేపధ్యంలో తెరకెక్కించిన "రణ్" త్వరలో తెరపైకి రానున్న దశలో ఆ సినిమా నుంచి వివాదస్పద "జన గణ మన రణ్ హై" అనే పల్లవిని తీసేయమని సీబీఎఫ్‌సీ చెప్పడంపై రామ్ గోపాల్ వర్మ గత కొన్నాళ్లుగా గుర్రుగా ఉన్నారు.