NTR | Ileana | Aswani Dat | Adurs | Kantri | Kick | ఎన్టీఆర్, ఇలియానా జంటగా అశ్వనీదత్ కొత్త చిత్రం!
FILE
అగ్రహీరోలతో సినిమాలు చేస్తూ, తెలివిగా సినిమా మార్కెటింగ్ చేసుకునే అశ్వనీదత్.. ఎన్టీఆర్తో కొత్త సినిమా తీసేందుకు సన్నాహాలు చేస్తున్నారు. ఈ చిత్రానికి "కంత్రి" దర్శకుడు మెహర్ రమేష్ దర్శకత్వ పగ్గాలు చేపట్టనున్నారు.
ఈ సినిమా షూటింగ్ గురువారం గచ్చిబౌలికి సుదూరంలో ఉన్న గోల్ఫ్కోర్ట్లో సినీ ప్రముఖుల సమక్షంలో ఆరంభమైంది. అశ్వనీదత్-మెహర్ రమేష్-ఎన్టీఆర్ కాంబినేషన్లో గతంలో ఎన్టీఆర్-హన్సికలు జంటగా నటించిన "కంత్రి" సినిమా సూపర్ హిట్ అయిన సంగతి తెలిసిందే.
తాజాగా ఇదే కాంబినేషన్లో రూపొందనున్న నూతన చిత్రాన్ని వైజయంతి మూవీస్ పతాకంపై నిర్మించనున్నారు. ఇందులో ఎన్టీఆర్ సరసన "కిక్" సుందరి ఇలియానా నటిస్తోంది.
WD |
మాస్, ఫ్యామిలీ ఎంటర్టైనర్గా రూపొందే ఈ చిత్రం రెగ్యులర్ షూటింగ్ త్వరలో ప్రారంభం కానుందని, ఇతర వివరాలను త్వరలో తెలియజేస్తామని నిర్మాత తెలిపారు. ఇంకా ఈ చిత్రానికి కెమెరా: సమీర్ రెడ్డి, సంగీతం: మణిశర్మ.
