Brahmanandam | Birth Day | February 1 | Tollywood | బ్రహ్మ+ ఆనందం= బ్రహ్మానందం

WD

ఈ ఈక్వేషన్ ఏమిటీ అనుకుంటున్నారా...? ఆ బ్రహ్మదేవుడు మనిషికి ప్రాణం పోస్తాడనీ, వారి జీవితాలను నిర్దేశిస్తాడని అంటారు. వెండితెరపై కనబడుతున్న ఈ బ్రహ్మ(ఆనందం) మాత్రం తెలుగు ప్రజలకు కడుపుబ్బ నవ్విస్తూ సంతోషాలను వెదజల్లుతున్నాడు. ఆయనకు ఎటువంటి పాత్రను కట్టబెట్టినా తనదైన బాడీ లాంగ్వేజ్‌తో నవ్వులను ప్రేక్షకులపై విసిరేందుకు యత్నిస్తారు.

ప్రారంభ చిత్రం నుంచీ నవ్వు నవ్వుకూ తేడాలను చూపిస్తూ... నవ్వులకు పదునుపెడుతూ నవ్వు+ నవ్వు+ ... అంటూ నవ్వుకే పొట్టచెక్కలయ్యేలా నవ్వును తెప్పిస్తూ తన నటన ద్వారా తెలుగు ప్రేక్షకులకు హాస్యపు విందు చేస్తున్నారు.

అన్ని రసాలలోకెల్లా హాస్య రసాన్ని పలికించడం ఎంతో కష్టమని చెపుతారు. ఈ హాస్య రసాన్ని గుళికలు చేసి తెలుగు ప్రేక్షకులకు అందిస్తున్న హాస్యరసబ్రహ్మ బ్రహ్మానందానికి పుట్టినరోజు శుభాకాంక్షలు చెపుదాం. ఎందుకంటే ఇవ్వాళ... అదే ఫిబ్రవరి 1 ఆయన పుట్టిన రోజు.