Actor Venkatesh | Apta Rakhaka | P.Vasu | Bellamkonda Suresh | విక్టరీ వెంకటేష్ హీరోగా "ఆప్త రక్షక"

WD

విక్టరీ వెంకటేష్ కథనాయకుడిగా ప్రముఖ దర్శకుడు పి.వాసు దర్శకత్వంలో అగ్ర నిర్మాత బెల్లంకొండ సురేష్ శ్రీ సాయిగణేష్ ప్రొడక్షన్స్ పతాకంపై కన్నడ సన్సేషనల్ హిట్ ఆప్తరక్షక ఆధారంగా నిర్మిస్తున్న భారీ చిత్రం మే నెలలో ప్రారంభం కానుంది.

కన్నడంలో ఆల్ టైమ్ రికార్డ్స్ సృష్టిస్తోన్న బిగ్గెస్ట్ హిట్ ఆప్త రక్షక తెలుగు రీమేక్ రైట్స్ కోసం ఎంతోమంది ప్రయత్నించినా బెల్లంకొండ సురేష్ ఈ హక్కులను దక్కించుకున్నారు. ఇందులో హీరోగా ఎవరు నటిస్తారన్న విషయంపై ఎన్నో ఊహాగానాలు వచ్చినా విక్టరీ వెంకటేష్ కథానాయకుడిగా నటిస్తున్నారని చెప్పి బెల్లంకొండ సస్పెన్స్‌కు తెరదించారు.

ఈ చిత్రం గురించి బెల్లంకొండ సురేష్ మాట్లాడుతూ... "చంద్రముఖి లాంటి సెన్సేషనల్ హిట్ తర్వాత పి.వాసు కన్నడంలో అందించిన ఆప్తరక్షక సూపర్ హిట్ అయి 40 కోట్లకు పైగా కలెక్ట్ చేస్తూ కన్నడ చిత్రరంగంలో ఆల్ టైమ్ రికార్డు సృష్టించింది. ఈ చిత్రాన్ని తెలుగులో వెంకటేష్ హీరోగా పి.వాసు దర్శకత్వంలో మా బ్యానర్లో నిర్మిస్తున్నాం.

ఆప్తరక్షక ఫ్యామిలీ ఎంటర్‌టైన్మెంట్ ప్రధానంగా ఉంటూ ఓ విభిన్న కథా చిత్రంగా అందరినీ అలరిస్తుంది. ఈ సబ్జెక్ట్ వెంకటేష్‌కు అద్భుతంగా ఉంటుంది. చిత్రం చూడగానే ఎంతో ఇన్‌స్పైర్ అయి వెంటనే చేస్తానని వెంకటేష్ బాబు అనడం నాకెంతో ఆనందంగా ఉంది. మళ్లీ వెంకటేష్- పి. వాసు కాంబినేషన్లో ఆప్తరక్షక చిత్రాన్ని తెలుగులో రీమేక్ చేయడం నా అదృష్టంగా భావిస్తున్నాను.

భారీ తారాగణంతో అత్యున్నత సాంకేతిక విలువలతో మా బ్యానర్లో ఓ ప్రిస్టీజియస్ మూవీగా మే నెల నుంచి ఈ చిత్రాన్ని ప్రారంభించబోతున్నామ"ని చెప్పారు.