Leader | Rana | Sekhar Kammula | డబ్బు తీసుకోకుండా ఓటు వేసే దమ్ముందా...?

WD

నేటి కుళ్లు రాజకీయ వ్యవస్థను తూర్పారబడుతూ తెరకెక్కిన చిత్రం "లీడర్". ఈ చిత్రం ద్వారా తెలుగుతెరకు కొత్తగా పరిచయమైన రానా యాక్టింగ్ చక్కగా సరిపోయింది. విడుదలైన అన్ని కేంద్రాల్లో ఫుల్ కలెక్షన్లతో ప్రదర్శింపబడుతోన్న ఈ చిత్రంలో దర్శకుడు శేఖర్ కమ్ముల పలు "పంచ్" డైలాగులను వాడి ప్రజలను ఆలోచనలో పడవేశారు.

రాజకీయ నాయకుడుకు ఉన్న కోణాలన్నిటినీ దాదాపు ఆవిష్కరించే ప్రయత్నం చేశారు. స్వలాభాపేక్షతో కాకుండా ఉన్నత భావాలతో ప్రజల శ్రేయస్సే లక్ష్యంగా ఓ యువకుడు రాజకీయాల్లోకి వచ్చి ముఖ్యమంత్రి అయితే రాష్ట్రం ఎలా ఉంటుందో ఈ చిత్రంలో చూపించారు.

మొత్తమ్మీద తొలి చిత్రంతోనే స్టార్ ప్రొడ్యూసర్ డాక్టర్ రామానాయుడు మనవడు, డి. సురేష్ బాబు కుమారుడైన జూనియర్ రామానాయుడు( రానా) మంచి మార్కులే కొట్టేశాడు.