Om Sai Ram | Srinivasa Varma | Kota | Sudha | Sudeepa | "ఓం సాయిరాం" షూటింగ్ ప్రారంభం

WD

శ్రీ మల్లాది వేంకటేశ్వర ఫిలిమ్స్ పతాకంపై స్వీయ దర్శకత్వంలో జీఎస్బీ శ్రీనివాస్ నిర్మిస్తున్న ఓం సాయిరాం చిత్రం షూటింగ్ అన్నపూర్ణ స్టూడియోస్‌లో గురువారం ప్రారంభమైంది. తొలి సన్నివేశానికి సీనియర్ నిర్మాత కె. అచ్చిరెడ్డి క్లాప్‌నివ్వగా, దర్శకుల సంఘాధ్యక్షుడు సాగర్ కెమేరా స్విచాన్ చేశారు. ఈ సన్నివేశానికి దర్శకుడు వి. సముద్ర గౌరవ దర్శకత్వం వహించారు.

ఈ సందర్భంగా జరిగిన పాత్రికేయుల సమావేశంలో దర్శకుడు, నిర్మాత శ్రీనివాస్ మాట్లాడుతూ... షిర్డీ సాయి భక్తుల యదార్థ అనుభవాలతో అల్లిన కథతో ఈ సినిమాను తీస్తున్నాం. కలలో కనిపించి ఈ సినిమా తీయమని సాయి ఆదేశించారు. ఈ రోజు నుంచి నాలుగు రోజులపాటు చిత్రీకరణ జరిపి, ఏప్రిల్ తొలివారం నుంచి రెగ్యులర్ షూటింగ్ జరుపుతాం అని చెప్పారు.

బాబా సందేశాన్ని అందుకుని ఈ సినిమా తీస్తున్నామనీ, తప్పకుండా ఈ చిత్రం బాబా భక్తులతోపాటు అందరినీ ఆకట్టుకుంటుందనే నమ్మకం ఉందనీ సహ నిర్మాత కొత్తూరు శత్రుఘ్నుడు తెలిపారు.

సీనియర్ నటుడు కోట శ్రీనివాసరావు మాట్లాడుతూ.. సర్వమానవ సౌభ్రాతృత్వం కోరుకున్న మహనీయుని లీలలు ఈ సినిమా. ఇలాంటి సినిమాలు రావడం చాలా అరుదు అన్నారు. ఈ సమావేశంలో నటులు రావు రమేశ్, అశోక్ కుమార్, నటి రాజ్యలక్ష్మి మాట్లాడారు.

శ్రీనివాస వర్మ, ఎల్బీ శ్రీరాం, నాజర్, నూతన్ ప్రసాద్, సుధ, సుదీప, అల్లరి సుభాషిణి తదితరులు నటించారు. ఈ చిత్రానికి పాటలు: రామజోగయ్య శాస్త్రి, సంగీతం: చక్రి, కథ-స్క్రీన్ ప్లే- నిర్మాణం - దర్శకత్వం: శ్రీనివాస్