Takita Takita | Bhumika Chawla | Nagarjuna | Arundhati | Anushka | హిమాలయాల్లో "తకిట తకిట" షూటింగ్!

WD

అందరూ కొత్త తారలతో భూమిక ముఖ్య పాత్రలో, కింగ్ నాగార్జున, అరుంధతి అనుష్క స్పెషల్ అప్పియరెన్స్‌తో డౌన్‌టౌన్ ఫిలింస్ పతాకంపై శ్రీహరి నాను దర్శకత్వంలో భూమికా చావ్లా సమర్పణలో భరత్ ఠాకూర్ నిర్మిస్తున్న "తకిట తకిట" చిత్రం చివరి షెడ్యూల్ హిమాలయాల్లో జరుగుతోంది.

ఈ సందర్భంగా దర్శకుడు శ్రీహరి నాను మాట్లాడుతూ.. "పది రోజుల పాటు జరిగే ఈ షెడ్యూల్‌లో ఒక పాట, కొన్ని ముఖ్యమైన సన్నివేశాలు చిత్రీకరిస్తాం. ఫుల్‌లెంగ్త్ ఎంటర్‌టైనర్‌గా భారీ ఎత్తున నిర్మిస్తున్న ఈ చిత్రం అన్ని వర్గాల ప్రేక్షకుల్ని ఆకట్టుకునేలా రూపొందుతోంది. భూమిక, భరత్‌ఠాకూర్‌లు నిర్మిస్తున్న ఈ చిత్రం ద్వారా చాలా మంది కొత్త ఆర్టిస్టులు పరిచయం అవుతున్నారు. "తకిట తకిట" తెలుగులో ఓ కొత్త ట్రెండ్‌కి శ్రీకారం చుట్టబోతోంది" అని అన్నారు.

ఇకపోతే.. ఈ చిత్రానికి రచన: కోన వెంకట్, మాటలు : బి.వి.ఎస్. రవి, ఎడిటింగ్ : మార్తాండ్ కె. వెంకటేష్, కెమెరా: కె.కె. సెంథిల్ కుమార్, సంగీతం: బోబో శశి, సమర్పణ: భూమిక చావ్లా, నిర్మాత: భరత్ ఠాకూర్, కథ-స్క్రీన్‌ప్లే-దర్శకత్వం: శ్రీహరి నాను.