Raat | Bhoot | Ram Gopal Verma | Phoonk 2 | Hollywood | దెయ్యాన్ని చూస్తే నాలుక పిడచకట్టుక పోవాలి: వర్మ

PTI

మన దెయ్యపు సినిమాలు ప్రేక్షకులను అంతగా భయపెట్టలేకపోతున్నాయంటున్నారు క్రియేటివ్ డైరెక్టర్ రామ్ గోపాల్ వర్మ. హాలీవుడ్ దెయ్యం సినిమాలు రూపొందిన స్థాయిలో మన దెయ్యం సినిమాలు ఉండటం లేదంటున్నారు. బాలీవుడ్‌లో ఇటీవల విక్రమ్ భట్ అందించిన "శాపిత్", స్నేహా ఉల్లాల్, శ్రేయాస్ తల్పడే నటించిన "క్లిక్" చిత్రాలు బాలీవుడ్ ప్రేక్షకులకు అంత భయంకరమైన అనుభూతిని కలిగించలేదని ఆయన అభిప్రాయపడ్డారు.

అదేసమయంలో హాలీవుడ్ దెయ్యపు సినిమాల్ని చూసినప్పుడు రోమాలు నిక్కబొడుచుకుంటాయనీ, నాలుక పిడచ కట్టుకపోతుందని అన్నారు. అయితే ఇక్కడ దెయ్యం సినిమాల్ని చూసినప్పుడు ఆ అనుభూతి కలగటం లేదని చెప్పుకొచ్చారు.

అయితే తను రూపొందించిన "దెయ్యం" సినిమా ఒకరకంగా ఆ స్థాయిని అందుకున్నదని భావిస్తున్నానని వెల్లడించారు. వర్మ వ్యవహారం చూస్తుంటే ఏదో ఒకరోజు హాలీవుడ్ దెయ్యపు సినిమాలను మించిన దెయ్యపు సినిమాను భారతీయ ప్రేక్షకులకు అందించేవరకూ ఆయన విశ్రమించరని అర్థమవుతోంది కదూ.. అవును వర్మ ఒక్కసారి కనుక టార్గెట్ పెడితే అది నెరవేరేదాకా వెనుదిరిగి చూడరు.