Gayam-2 | Ram Gopal Varma | Jagapathi Babu | Vimala Raman | Ilaya Raja | రామ్గోపాల్ వర్మ సమర్పణలో జగపతిబాబు "గాయం-2"
జగపతిబాబు, విమలారామన్ కాంబినేషన్లో ప్రవీణ్ శ్రీ దర్శకత్వంలో కర్త క్రియేషన్స్ పతాకంపై డా. ధర్మకర్త.సి నిర్మిస్తున్న చిత్రం "గాయం-2". ఈ చిత్రానికి ప్రముఖ దర్శక-నిర్మాత రామ్ గోపాల్వర్మ సమర్పకునిగా వ్యవహరిస్తున్నారు.
ఈ చిత్రం గురించి దర్శకుడు ప్రవీణ్ శ్రీ మాట్లాడుతూ.. "జగపతిబాబు సినీ కెరీర్ను మలుపు తిప్పిన "గాయం" చిత్రానికి పర్ఫెక్ట్ సీక్వెల్ ఇది. ఇండియాలో ఈ తరహా సీక్వెల్ ఎవరూ చేయలేదు. మా గురువు రామ్గోపాల్వర్మ చిత్రానికి నేను సీక్వెల్ చేయడం, ఆ సీక్వెల్కు ఆయన సమర్పకునిగా వ్యవహరించడం నా అదృష్టం" అని చెప్పారు.
నిర్మాత డా. ధర్మకర్త.సి మాట్లాడుతూ.. " ఓ కొత్త స్టయిల్లో ఉండే యాక్షన్ చిత్రమిది. రామ్గోపాల్ వర్మ శిష్యుడైన ప్రవీణ్ శ్రీ ఈ చిత్రాన్ని ఇన్నోవేటివ్గా తెరకెక్కిస్తున్నారు. ఈ చిత్ర నిర్మాణంలో రామ్గోపాల్ వర్మ, జగపతిబాబు ఇస్తున్న సహకారాన్ని మరిచిపోలేను. ఇళయరాజా సంగీతం ఈ చిత్రానికి ప్రధాన ఆకర్షణగా నిలుస్తుంది. ఇందులో మొత్తం ఐదు పాటలుంటాయి. భాస్కరభట్ల, అనంతశ్రీరామ్, వనమాలి, కలువ కృష్ణసాయి ఈ పాటలు రాశారు. ఇప్పటికే పాటల రికార్డింగ్ పూర్తయింది. మా కోరిక మేరకు ఇందులో ఒక పాటను ఇళయరాజా పాడడం విశేషం" అని తెలిపారు.
ఈ చిత్రానికి మాటలు : గంధం నాగరాజు, కెమెరా : అనిల్ భండారి, ఎడిటింగ్ : ప్రవీణ్, స్క్రీన్ప్లే : రాజేంద్రరెడ్డి, ఆర్ట్ : ధర్మేంద్ర.
