Balakrishna | Puri Jagannath | Bellamkonda Suresh | బాలకృష్ణ - పూరి కాంబినేషన్లో బెల్లంకొండ చిత్రం

WD

"సింహా"తో సరికొత్త చరిత్ర సృష్టిస్తున్న యువరత్న బాలకృష్ణ హీరోగా "పోకిరి"తో సెన్సేషనల్ రికార్డులు సృష్టించిన డాషింగ్ డైరెక్టర్ పూరి జగన్నాథ్ దర్శకత్వంలో అగ్రనిర్మాత, సాయిగణేష్ ప్రొడక్షన్స్ అధినేత బెల్లంకొండ సురేష్ ఓ భారీ చిత్రాన్ని నిర్మిస్తున్నారు. ఈ క్రేజీ కాంబినేషన్లో సినిమా వస్తోందన్న వార్త టాక్ ఆఫ్ ది ఇండస్ట్రీ అయింది.

ఈ చిత్రం గురించి బెల్లంకొండ సురేష్ మాట్లాడుతూ... బాలయ్య బాబు, పూరి జగన్నాథ్‌ల ఫస్ట్ కాంబినేషన్‌లో ఓ సెన్సేషనల్ మూవీని మా బ్యానర్లో నిర్మిస్తున్నందుకు చాలా ఆనందంగా ఉంది. బాలయ్య కెరీర్లో ఇది ఓ అద్భుతమైన చిత్రంగా చాలా హై రేంజ్‌లో ఈ చిత్రాన్ని రూపొందిస్తున్నాం.

బాలయ్యతో మా బ్యానర్లో చెన్నకేశవరెడ్డి, లక్ష్మీనరసింహా వంటి హిట్ చిత్రాల చేశాం. వాటి తర్వాత నిర్మిస్తున్న ఈ చిత్రం హ్యాట్రిక్ సాధించాలన్న పట్టుదలతో కాంప్రమైజ్ అవకుండా నిర్మిస్తాం. త్వరలో ప్రారంభమయ్యే ఈ ప్రిస్టీజియస్ మూవీకి సంబంధించిన అన్ని వివరాలు అతి త్వరలోనే తెలియజేస్తాం అన్నారు.