Sexy Anushka | Venkatesh | Doctor | Ramanaidu Studio | వెంకటేష్ చిత్రంలో పగతో రగిలిపోయే పాత్రలో అనుష్క

WD

విక్టరీ వెంకటేష్ డాక్టర్‌గా నటిస్తున్న తాజా చిత్రం హైదరాబాద్ రామానాయుడు స్టూడియోలో ప్రారంభమైంది. గత మూడు రోజులుగా అనుష్కపై కొన్ని సన్నివేశాలు చిత్రీకరించారు. చంద్రముఖి తన పగ తీరిపోగానే పాము రూపంలో వెళ్లిపోవడం చూశాం. అక్కడ నుంచి కథ ప్రారంభమై మళ్లీ ప్రతీకారం తీర్చుకునే దిశగా కథ తయారు చేశారు దర్శకుడు వాసు.

అనుష్క దెయ్యం రూపంలో పగ ప్రతీకారంతో రగిలిపోయే సన్నివేశాలను రామానాయుడు స్టూడియోలో చిత్రీకరించినట్లు తెలిసింది. దీక్షితులు పాత్రధారి అనుష్కను కంట్రోల్ చేసే సన్నివేశముంది. నేటితో ఈ సన్నివేశం పూర్తవుతుంది. ఈ నెల 12 నుంచి విజయనగరం కోరుకొండ సైనిక్ స్కూల్ దగ్గర 40 లక్షల రూపాయల ఖర్చుతో వేసిన ప్యాలెస్ సెట్‌లో షూటింగ్ జరుగుతుంది.

జూన్ 10 వరకూ అక్కడ జరుగుతుందని విశ్వసనీయ సమాచారం. ఇందులో విలన్‌గా కన్నడంలో చేసిన అవినాష్ తెలుగులోనూ చేస్తున్నాడు. ఆ తర్వాత షెడ్యూల్ రాజస్థాన్‌లో ఉంటుంది. ఇంకా ఈ చిత్రంలో పూనమ్ కౌర్, కమిలినీ ముఖర్జీ, రిచా గంగోపాధ్య, సుజి, శ్రద్దా దాస్ తదితరులు నటిస్తున్నారు.