Mahesh Babu | Anushka | Vedam | Panchakshari | Arundati | Trivikram Srinivas | Cinema | మహేష్-అనుష్కల చిత్రమా..? అయితే.. సూపర్‌హిట్టే..!

FILE

టాలీవుడ్ యువరాజ్ మహేష్ బాబు, అందాల తార అనుష్క జంటగా నటిస్తున్న కొత్త చిత్రం తప్పకుండా బంపర్ హిట్ అవుతుందని సినీ పండితులు జోస్యం చెబుతున్నారు. కాగా.. ప్రిన్స్ మహేష్ బాబు, బిల్లా సుందరి అనుష్క జంటగా నటిస్తున్న కొత్త చిత్రం షూటింగ్ పూణేలో జరుగుతోంది. త్రివిక్రమ్ శ్రీనివాస్ దర్శకత్వంలో రూపుదిద్దుకుంటున్న ఈ చిత్రం షూటింగ్ పూణే, మహారాష్ట్ర గ్రామ ప్రాంతాల్లో శరవేగంగా జరుపుకుంటోంది.

ఈ సినిమా గురించి దర్శకుడు చెబుతూ.. మణిశర్మ సంగీతం సమకూర్చిన ఈ సినిమాను సింగనమల రమేష్‌బాబు కనకరత్న మూవీస్‌పై నిర్మిస్తున్నారని తెలిపారు. ప్రస్తుతానికి పాటల చిత్రీకరణ జరుగుతోందని శ్రీనివాస్ అన్నారు. ప్రకాష్ రాజ్ బ్రహ్మానందం, ఎం.ఎస్. నారాయణ, ధర్మవరపు సుబ్రహ్మణ్యం, తనికెళ్ల భరణి తదితరులు నటిస్తున్న ఈ చిత్రం త్వరలో ప్రేక్షకుల ముందుకు రానుందని దర్శకుడు వెల్లడించారు.

ఇదిలా ఉండగా.. "అరుంధతి" బంపర్ హిట్‌ తర్వాత అనుష్క నటించిన వేదం, పంచాక్షరి చిత్రాలు విడుదలకు సిద్ధమవుతున్నాయి. ఈ చిత్రాలు అనుష్కకు మంచి గుర్తింపును సంపాదించిపెడతాయని టాలీవుడ్ వర్గాల్లో టాక్.

ఈ నేపథ్యంలో యువరాజు మహేష్ బాబు సరసన అనుష్క నటిస్తోన్న తాజా చిత్రం కూడా బంపర్ హిట్ అవుతుందని సినీ పండితులు జోస్యం చెబుతున్నారు. అలాగే "అతడు" తర్వాత అనుష్క-మహేష్ బాబుల బ్లాక్ బస్టర్ మూవీ కోసం అభిమానులు వేయి కనులతో ఎదురుచూస్తున్నారు.