K. Raghvendra Rao | Maniratnam | Villon | Nagarjuna | Annamayya | నాగార్జునతో అన్నమయ్యా..? హ..హ్హ...హ్హ అన్నారు...
WD
అయితే ఇటీవలే ఓ ప్రముఖ పత్రిక, మణిరత్నం విలన్ సినిమా తీసి ప్రేక్షకుల్లో విలన్ అయ్యాడంటూ.. అసలు ట్రాక్ తప్పి.. అభిమానులను నిరుత్సాహ పరిచాడంటూ కథనం ప్రచురించింది. దానికితోడు విశ్వనాథ్ "గ్యాంగ్ లీడర్" తీస్తే ఎలాగుంటుంది...? రాఘవేంద్రరావుతో ఆనంద్ తీయిస్తే ఎలాగుంటుంది..? అంటూ కంపారిజన్ చేసింది. దీంతో ఆయన మనస్సు గాయపడింది.
ఈ విషయమై ఓ సభలో మాట్లాడుతున్న ఆయన సదరు పత్రికకు సంబంధించిన విలేకరిని పిలిచి మరీ మందలించాడు. నా గురించి రాశారు సరే... విశ్వనాథ్ అంతటివారితో కంపారిజన్ ఏమిటి...? ఆయనను చులకనగా చేసి మాట్లాడటమే గదా.. ఏం తెలుసని మీరు అలా రాశారు.
మణిరత్నం చాలా సినిమాలు చేశారు. ఒక్కోసారి ట్రెండ్ స్వీకరించకపోవచ్చు. అలాగైతే ఇదే పేపర్లో.. అమ్మోరు సినిమాకు రమ్యకృష్ణ చేయడమేమిటి..? అన్నారు. మరొకరు నాగార్జునతో అన్నమయ్యా... హ..హ్హ.. హ్హ అంటూ వ్యంగ్యాస్త్రాలు విసిరారు. ఏమయ్యాయి...? వాటికి ప్రేక్షకులు బ్రహ్మరథం పట్టలేదా...?
దర్శకుడికి ఏమి చేయాలో... ఏమి చేయకూడదో తెలుసు. ఒక్కోసారి చేసింది నచ్చకపోవచ్చు. దానికి తాటాకులు కట్టి లేనిపోనివి చొప్పించడం భావ్యం కాదని సున్నితంగా మందలించారు. దీంతో ఆ విలేకరి ఖంగుతిని... ఇది తాము రాయలేదనీ, ఫ్రీలాన్సర్స్ రాశారని చెప్పగానే... ప్రముఖ పేపర్లో ఫ్రీలాన్సర్లు కూడా రాస్తారా...? అంటూ మళ్లీ అడిగారు. దీంతో అతను... నీళ్లు నమిలాడు. అక్కడ ఉన్నవారంతా ఆ వార్తను అలా రాసి ఉండకూడదనే అభిప్రాయాన్ని వ్యక్తం చేయడం విశేషం...
