Madamrigam | Kishore | Sasi | Leena | Swati | విభిన్న కథాంశంతో అందరినీ ఆకట్టుకునే "మదమృగం"

కిషోర్, శశి, లీనా, స్వాతి ప్రధానపాత్రల్లో సమీర్ దర్శకత్వంలో తమిళంలో రూపొందిన "ద్రోహం" చిన్న చిత్రాల్లో గొప్ప కలెక్షన్స్ సాధించిన చిత్రంగా మంచి పేరు తెచ్చుకుంది. ఈ చిత్రాన్ని శ్రీ వైష్ణో ఫిలిమ్స్ పతాకంపై మదమృగం పేరుతో నిర్మాత సి.హెచ్. సీతారామిరెడ్డి తెలుగు ప్రేక్షకులను అందిస్తున్నారు.

ఈ సందర్భంగా నిర్మాత మాట్లాడుతూ.. విభిన్న కథాంశంతో రూపొందిన ఈ చిత్రం మొదటివారంలోనే 3కోట్ల రూపాయలను వసూలు చేసి చిన్న చిత్రాల్లో పెద్ద విజయం సాధించిన చిత్రంగా మంచిపేరు తెచ్చుకుంది. చూసిన ప్రతిదీ తన సొంతం అయిపోవాలనుకునే ఓ జమీందార్ కొడుకు కథ ఇది.

ఒకరోజు ఓ పోలీస్ ఆఫీసర్ భార్య ఇతని కంట్లో పడుతుంది. ఆమెను ఎలాగైనా అనుభవించాలనుకుంటాడు. దానికోసం ఒక పథకం వేసి ఆమె ఇంటికి వెళ్లి ఆమె వెనుక నుంచి కౌగలించుకుంటాడు. అదే టైమ్‌లో ఫోటో తీసేలా ప్లాన్ చేసి ఆ ఫోటోతో బ్లాక్ మెయిల్ చేస్తుంటాడు. ఇతను సైకో కాదు.. హంతకుడు కాదు. కానీ, ఒక డిఫరెంట్ మెంటాలిటీతో అందరినీ హడలెత్తిస్తుంటాడు. అయితే చివరికి ఏం జరిగింది. ఆతని ఆగడాలను ఎలా అరికట్టారన్నది కథాంశం.

డైరెక్టర్ సమీర్ ఈ సబ్జెక్టును ఎంతో అద్భుతంగా హ్యాండిల్ చేశారు. ప్రేక్షకులకు ఎక్కడా బోర్ అనేది కలగకుండా ప్రతి సీన్‌ను ఎంతో అందంగా తీశారు. అన్నివర్గాల ప్రేక్షకుల్ని ఆకట్టుకునే అన్ని అంశాలు ఈ చిత్రంలో ఉన్నాయి. సెప్టెంబరు ద్వితీయార్థంలో ఈ చిత్రాన్ని విడుదల చేయడానికి ప్లాన్ చేస్తున్నాం. చక్కని కథ, కథనాలతో సాగే ఈ చిత్రం తెలుగులోనూ మంచి విజయం సాధించి మాకు, మా బ్యానర్‌కు మంచి పేరు తెస్తుందని ఆశిస్తున్నాను అన్నారు.

కిషోర్, శశి, లీనా, స్వాతి ప్రధాన పాత్రలు పోషిస్తున్న ఈ చిత్రానికి మాటలు: వెంకట్, సంగీతం: మనీష్, నిర్మాత: సి.హెచ్. సీతారామిరెడ్డి, కథ- స్క్రీన్ ప్లే- దర్శకత్వం: సమీర్