Chiranjeevi | Gabbar Singh | Pavan Kalyan | Mega Family | కోట్లకు పడగలెత్తినా మీ అభిమానం ముందు దిగదుడుపే: చిరంజీవి
WD WD |
35 సంవత్సరాల క్రితం సినిమాలో నటించాలన్న ఆలోచన తనకు రాకుంటే.. ఒక జన్మ వ్యర్థం చేసుకుని ఉండేవాడినని, అలాగే మా కుటుంబం కూడా ఓ జన్మను వేస్ట్ చేసుకుని ఉండేదన్నారు. ఎన్ని కోట్లకు పడగలెత్తినా, ఎంత గొప్పవారైనా సరే ఈరకమైన అభిమాన ధనం సంపాదించడం అనేది పూర్వజన్మ సుకృతమేనన్నారు.
మమ్మల్ని కన్న తల్లిదండ్రుల ఆశీస్సులు, మీ అందరి ఆశీస్సులు మమ్మల్ని ఇంతవారిని చేశాయన్నారు. అందుకే మీ పట్ల మాకు నిలువెల్లా కృతజ్ఞతాభావం ఉంటుందన్నారు. మీ రుణం ఎలా తీర్చుకోవాలి అని నిరంతరం ఆలోచన చేస్తుంటామన్నారు.
ఇంతమంది ప్రేమను పొందడం, మీ గుండెల్లో స్థానం సంపాదించడం సర్వసాధారణమైన విషయం కాదన్నారు. ఇది ఎన్నో జన్మల పుణ్యం. అలాంటి పుణ్యాన్ని కలిగిస్తున్న ప్రేక్షక దేవుళ్ళకు, అభిమానులకు మా మెగా కుటుంబం ఎన్నటికీ రుణపడి ఉంటుందని చిరంజీవి చెప్పారు.
