1. వినోదం
  2. »
  3. తెలుగు సినిమా
  4. »
  5. గుసగుసలు

తన్మయత్వంలో వాళ్లిద్దరు..

ఒక పని తలపెట్టినపుడు దాన్ని పూర్తి చేసేందుకు మనస్సు లగ్నం చేయాలని
WD PhotoWD
ఒక పని తలపెట్టినపుడు దాన్ని పూర్తి చేసేందుకు మనస్సు లగ్నం చేయాలని అంటుంటారు మన పెద్దలు. ఒకటి ఆలోచిస్తూ మరొకటి చేస్తే వచ్చే ఫలితం కూడా అంతంతమాత్రంగానే వుంటుందనేది జగమెరిగిన సత్యం. ముఖ్యంగా సినీ నటులకు ఇది ఏ మాత్రం వర్తించదు. చిన్న పాత్ర చేసే అవకాశం లభించినా దానిలో లీనమై జీవించాల్సిందే. ఇలాంటి సందర్భమే హీరో శ్రీకాంత్, హీరోయిన్ కావేరి ఝూలకు వచ్చింది.

"నగరం" చిత్రం షూటింగ్ నగరంలో జరుగుతోంది. అందులో వాళ్లిద్దరు ఒకరినొకరు గాఢంగా హత్తుకుని తన్మయత్వం చెందాలి. అంతకుముందే కావేరిని ఎత్తుకుని నీళ్లలో పడేశారు. ఆ తర్వాత ఒకరినొకరు కళ్ళలో చూసుకుంటూ తన్మయం చెందాలి. ఈ సీన్‌లో వాళ్లిద్దరు నటించారు అంటే పొరపాటే. వాళ్లిద్దరు జీవించారు. ఇది నిజం. సీన్ ముగిసిన తర్వాత దర్శకుడు కట్ చెప్పినా వాళ్లిద్దరు మాత్రం విడిపోలేదు.

రెండో సారి కట్.. మూడో సారి కట్.. ఇలా కట్‌లు చెపుతున్నా హీరోహీరోయిన్లు మాత్రం అలానే వున్నారు. చివరకు ఏం చేసేది లేక దర్శకుడు కొందరు యూనిట్ సభ్యులను ఐదు అడుగుల నీటిలో వున్న వాళ్లిద్దరి వద్దకు పంపి మన లోకంలోకి వచ్చేలా చేశారు. పాపం.. శ్రీకాంత్-కావేరిఝా. వచ్చిన గోల్డెన్ అవకాశాన్ని దర్శకుడు చెరిపేశారని మనస్సులో తిట్టుకుని ఉంటారేమో?! అయితేనేం.. వాళ్లిద్దరు (శ్రీకాంత్, కావేరిఝా) మాత్రం ఒకరి ముఖాలు ఒకరు చూసుకుని నవ్వుకున్నారట. మరోసారి అవకాశం రాకపోతుందా? అని. షూటింగ్ స్పాట్ ఎంతైనా బహిరంగ ప్రదేశం కదా.!
About Writer
PNR
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి