ఈ మధ్య తెలుగులో నటించిన నీ సుఖమే నే కోరుకున్నా చిత్రం ప్లాప్ అయినా తమిళంలో మాత్రం బిజీ, బిజీగా ఉంటోన్న స్నేహ కొత్త హీరోలతో సినిమా అంటే నో అని తెగేసి చెప్పేస్తోందట. అదేమంటే తాను ప్రస్తుతం చాలా బిజీగా ఉన్నానని చెబుతోందట.
కొద్ది రోజుల క్రితం తమిళనాడుకు చెందిన ఓ మంత్రిగారి కుమారుడు పరిచయం అవుతోన్న చిత్రంలో నటించడానికి స్నేహను సంప్రదిస్తే టైం లేదని చెప్పేసిందట. టైం లేక కాదు కొత్తవారితో నటించడానికి ఇష్టం లేకే అలా అంటోదని తమిళ నిర్మాతలు పాపం బాధపడుతున్నారట.
ఎందుకంటే పెద్ద హీరోల చిత్రాలైతే మాత్రం టక్కున కాల్షీట్లు ఇచ్చే స్నేహ హీరో కొత్తవాడైతేనే నో అని చెబుతోందని వారు వాపోతున్నారు. కానీ స్నేహ మాత్రం ప్రస్తుతం తన చేతిలో ఏడు సినిమాలన్నాయని అందుకే కొన్ని చిత్రాలు ఒప్పుకోలేక పోతున్నానని అంటోంది.
అంతే మరి స్నేహకు కూడా బాగా వయసైపోతోంది. అందుకే తన వయసుకు తగ్గట్టు పెద్ద హీరోల పక్కన నటించాలని అనుకుంటోంది కాబోలు. అవేమీ పట్టించుకోకుండా కుర్రాళ్ల పక్కన నటించడం లేదని ఆ నిర్మాతలు స్నేహ మీద అలగడం ఏమైనా బాగుందా.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
