గుసగుసలు | ముఖాముఖి | సమీక్ష | రాబోయే చిత్రాలు | హాలివుడ్ | కథనాలు | అడ్రస్ డైరీ | ట్రైలర్స్ | నాటి వెండి కెరటాలు | ఆస్కార్ 2009
Feedback
Print
'కుచేలుడు'కి రజినీకాంత్ గొంతు అందించేనా ? 
శుక్రవారం, 23 మే 2008( 09:42 IST )
| WD Photo | WD |
తెలగు, తమిళ భాషల్లో ఏకకాలంలో రూపొందుతోన్న ఈ కుచేలుడు చిత్రంలో రజినీకాంత్ పాత్ర నిడివి తక్కువే. అయినా ఆ చిత్రం వ్యాపారం మొత్తం రజినీకాంత్ పేరు మీదుగానే జరుగుతోంది. ఆ చిత్రంలో రజనీకాంత్ ఓ సినిమా హీరోగా నటిస్తుండగా, జగపతిబాబు మరో ప్రధాన పాత్ర పోషిస్తున్నారు. తెలుగులో వైజయంతీ మూవీస్ సంస్థ నిర్మిస్తున్న ఈ చిత్రానికి వాసు దర్శకత్వం వహిస్తున్నారు.
ఈ చిత్రంలోని ఓ పాటలో రజినీకాంత్ 20 గెటప్పుల్లో నటించనున్నారన్న వార్త నిన్నటి వరకు సంచలనాన్ని కలిగించింది. అలాగే ప్రస్తుతం ఈ చిత్రానికి సంబంధించిన మరో వార్త ప్రముఖంగా వినిపిస్తోంది. తెలుగు వెర్షన్లోని రజినీకాంత్ పాత్రకు ఆయనే స్వయంగా డబ్బింగ్ చెప్పనున్నారన్నదే ఆ వార్త.
గతంలో రజినీకాంత్ చిత్రాలు తెలుగులోకి ఆనువాదమైన ఆయన పాత్రకు వెరెవరో డబ్బింగ్ చెప్పేవారు. అందువల్ల తెలుగు అభిమానులకు రజనీకాంత్ గొంతు వినే అవకాశం లభించలేదు. ప్రస్తుతం వినిపిస్తున్న ఈ వార్త గనుక నిజమైతే తెలుగు అభిమానులు రజినీకాంత్ చిత్రంలో ఆయన గొంతును సైతం విని ఆనందించనున్నారన్నమాట.