తెరపై మళ్లీ రాబోతోన్న ''బంగారు కోడిపెట్ట''
|
అంత గొప్ప ఇమేజ్ సొంతం చేసుకున్న చిరంజీవి తనయుడుగా రంగప్రవేశం చేసిన రామ్చరణ్ తొలిచిత్రం 'చిరుత'లోనే తనేమిటో నిరూపించుకున్నాడు. అందుకే రామ్చరణ్తో రెండో చిత్రం చేస్తున్న రాజమౌళి ఆ చిత్రం విజయానికి అన్ని రకాలుగా శ్రద్ధ తీసుకుంటున్నారు.
ఈ వరుసలోనే గతంలో చిరంజీవి నటించి సూపర్హిట్ సాధించిన 'ఘరానా మొగుడు' చిత్రంలోని ఓ పాటను రామ్చరణ్ చిత్రంలో రీమిక్స్ చేయనున్నారు. 'బంగారు కోడిపెట్ట వచ్చెనండి.. ఏ పాప్ప... ఏ పాప్ప...' అంటూ సాగే ఆ పాటకు తాజాగా రామ్చరణ్ స్టెప్పులు వేయనున్నారు.
అప్పట్లో ఈ పాట ఎంతటి ఘన విజయం సాధించిందో అందరికీ తెలిసిందే. అందుకే రాజమౌళి రామ్చరణ్ చిత్రం కోసం ఈ పాటను ఎంచుకున్నారు. అప్పట్లో తండ్రి స్టెప్పులేసిన పాటకు ఇప్పుడు తనయుడు స్టెప్పులేయడం ప్రేక్షకుల్లో ఈ చిత్రంపై అంచనాలు ఏర్పడేందుకు తోడ్పడుతుందన్నది రాజమౌళి ఉద్ధేశ్యం కాబోలు.
ఘరానామొగుడులో ఈ పాటలో చిరంజీవితో పాటు శృంగార తార డిస్కోశాంతి స్టెప్పులేసింది. ప్రస్తుతం రాజమౌళి చిత్రంలో రామ్చరణ్తో పాటు స్టెప్పులేయడానికి ముమైత్ను ఎంచుకునే అవకాశాలున్నట్టు టాలీవుడ్ వర్గాల కథనం.
