విక్రమ్ సరసన తమిళంలో ఇలియానా... ?
|
తెలుగు ఇండస్ట్రీలో ఇలియానా మార్కెట్ ఎలా ఉన్నా తమిళంలో మాత్రం ఆమెకు అసలు మార్కెట్ లేదనే చెప్పాలి. ఎందుకంటే తమిళంలో ఇలియానా ఇప్పటివరకు ఒక్కచిత్రం మాత్రమే చేసింది. అయితే ఇలియానా చేసిన ఆ ఒక్క తమిళ చిత్రం సైతం బాక్సాఫీస్ ముందు బోల్తా కొట్టింది. దీంతో ఇలియానా మళ్లీ తమిళం వైపు వెళ్లలేదు.
అంతేకాకుండా తమిళంలో నటించడం ఓ చెడ్డ అనుభవం అంటూ ఇలియానా చెప్పుకొచ్చింది. ఇదిలాఉంటే ప్రస్తుతం విక్రమ్ నటించబోయే కొత్త చిత్రంలో నటించడానికి ఇలియానాకు పిలుపు వచ్చిందన్నది కోలీవుడ్ వర్గాల సమాచారం.
తాజాగా దశావతారం చిత్రానికి దర్శకత్వం వహించిన కె.ఎస్. రవికుమార్ దర్శకత్వంలో తెరకెక్కనున్న ఈ చిత్రంలో విక్రమ్ సరసన నటించడానికి ఇలియానాను సంప్రదించారట. అయితే ఆ చిత్రంలో ఇలియానా చేసేదీ లేనిది ఇంకా నిర్ధారణ కాలేదు. ఈ విషయం కనుక నిజమైతే తమిళంలో ఇలియానా మళ్లీ అడుగుపెట్టినట్టవుతుంది.
