త్వరలో మూడు ముళ్లు వేయించుకుంటా..!: శిల్ప
పెళ్లి చేసుకోబోతున్నా
"బిగ్ బాస్ రియాల్టీ షో"ను నిర్వహిస్తున్న సుందరీమణి... శిల్పాశెట్టి త్వరలో పెళ్లి చేసుకోబోతుందట.. అదీ ఏడాదిన్నరలోపు మూడుముళ్లు వేయించుకుంటానని చెబుతోందీ పొడువు కాళ్ల సుందరి. ఏడాదిన్నరలో ఓ ఇంటిదాన్ని కాబోతున్నానని, బాయ్ఫ్రెండ్ రాజ్ కుంద్రాతోనే తన పెళ్లి జరుగుతుందని లండన్ మీడియా ముందు శిల్పాశెట్టి తన అభిప్రాయాన్ని వెలిబుచ్చింది.|
|
ఇద్దరు పిల్లలకు తల్లినవుతా
ప్రేమ, పెళ్ళి విషయాలపై లండన్ మీడియా ఆమెను కదిలిస్తే... రాజ్ కుంద్రాను ఏడాది కింద కలిశానని... రాబోయే ఒకటిన్నర సంవత్సరానికి తీరికలేని కార్యక్రమాలున్నాయని తెలిపింది. ఆ తర్వాతే తన ప్రేమికునితో వైవాహిక జీవితంలో అడుగిడుతానని వెల్లడించిందట. తనకంటూ ఓ కుటుంబం కావాలని, ఇద్దరు పిల్లలకు తల్లినవ్వాలని శిల్ప ఆశిస్తోందట. ఇంకేముందీ... శిల్పశెట్టికూడా త్వరలో పెళ్లి కూతురుకానుందన్నమాట...!
