గుసగుసలు | ముఖాముఖి | సమీక్ష | రాబోయే చిత్రాలు | హాలివుడ్ | కథనాలు | అడ్రస్ డైరీ | ట్రైలర్స్ | నాటి వెండి కెరటాలు | ఆస్కార్ 2009
Feedback
Print
జెనీలియాకు పెరుగుతోన్న డిమాండ్! 
 | ||
|
జెన్నీ బాయ్ఫ్రెండ్ అని ఇటీవల వార్తల్లోకెక్కిన రితేష్ దేశ్ముఖ్తో నటించిన "తుజే మేరి కసమ్" జెనీలియాకు అంత పేరు సంపాదించి పెట్టలేకపోయింది. ఆ తర్వాత "బొమ్మరిల్లు" సినిమా ఆమె సినీ కెరీర్ను మలుపు తిప్పింది. హాసినిగా నవ్వుల సుందరిగా ముద్రవేసుకున్న జెన్నీకి, ప్రస్తుతం బాలీవుడ్లో అవకాశాలు వెల్లువల్లా వస్తున్నాయట.
తాజాగా జాన్ అబ్రహాం దర్శకత్వం వహించి, గుడ్ ఫిలింమేకర్స్ పతాకంపై రూపుదిద్దుకుంటోన్న చిత్రంలో జెనీలియా నటిస్తోందట. ఇంతేకాదు.. బాలీవుడ్ అగ్ర హీరోయిన్లు రాణి ముఖర్జీ, ప్రీతిజింటా యాడ్ కాల్షీట్లను కూడా జెనీలియా కైవసం చేసుకుంటోందట. ప్రస్తుతం "వాటికా" హెయిర్ ఆయిల్, "ఫెయిర్ అండ్ లవ్లీ" యాడ్స్లో నటించిన జెనీలియా, రాణి ముఖర్జీ ఫాంటా యాడ్ను లాగేసుకుంది. అదేవిధంగా ప్రీతి జింటా ఇంతవరకు చేస్తుండిన "పర్క్" వాణిజ్య ప్రకటనలోనూ జెనీలియా నటిస్తోంది.
ఇంకేముంది..? జెనీలియా వయస్సు, చలాకీతనమే సినిమా అవకాశాలతో పాటు వాణిజ్య ప్రకటనలను కూడా ఆమె ఖాతాలో వేసుకునేట్లు చేసిందని సినీ విశ్లేషకులు భావిస్తున్నారు.
సంబంధిత సమాచారం కోసం శోధించండి.
