శిల్పాశెట్టి తల్లిగా జయప్రద..!

WD

పద్మభూషణ్ కమల్ హాసన్ "దశావతారం"లో ప్రత్యక్షమైన అందాల ముద్దుగుమ్మ జయప్రద మళ్లీ అంతర్జాతీయ చిత్రంలో ప్రేక్షకుల ముందుకు రాబోతుందట. ఒకవైపు రాజకీయాల్లో బిజీబిజీగా ఉన్నప్పటికీ, నటించేందుకు సమయం కేటాయించడంలో తనకెలాంటి కష్టం లేదని ఆమె అంటోంది.

ప్రముఖ దర్శకులు బుద్ధదేవ్ దాస్ గుప్తా, మురుగదాస్‌లు చెప్పిన కథ చాలా బాగా నచ్చిందని, అందుకే ఆ చిత్రంలో నటించేందుకు అంగీకరించానని జయప్రద చెబుతోంది.

"ద డిజైర్" అనే పేరుతో రూపుదిద్దుకోనున్న ఈ సినిమాలో జయప్రద ఓ నాట్య గురువుగా కీలక పాత్ర పోషిస్తున్నట్లు వెల్లడించింది. ఒక ఒడిస్సీ నాట్యకారిణిగా ఈ సినిమాలో కన్పిస్తానని, ఇలాంటి పాత్ర కోసమే చాలా రోజులు ఎదురుచూస్తున్నానని, ఇందులో శిల్పాశెట్టి తల్లిగా నటిస్తోంది.