Aishwarya Rai, kitchen, Bachchan, TV Channels, | వంటగదిలో ఐశ్వర్యారాయ్: ఎగబడుతున్న టీవీ ఛానళ్లు

IFM

బచ్చన్ కోడలు ఐశ్వర్యారాయ్ ఇక నుంచి వంటింటి పడుచుగా పాపులర్ కానుంది. ఎన్ని సినిమాలలో నటించినా... నటిస్తున్నా, ఎన్ని అంతర్జాతీయ సినీ ఉత్సవాలకు హాజరవుతున్నా, తన చేతి వంటను తన అత్తామామలతోపాటు తన భర్తకు పెట్టడంలో ఉన్న సంతోషం ఎక్కడా లేదని చెపుతోంది ఈ బచ్చన్ల బహు.

కోడలుపిల్ల వంటగదిని కూడా చూసుకోవాలని బచ్చన్ కుటుంబం ఆకాంక్షించిందో, లేదంటే స్వయంగా ఐశ్వర్యారాయ్ స్వయంగా ఈ నిర్ణయం తీసుకుందో కానీ, తన భర్త అభిషేక్‌తో కలిసి ముంబయిలోని ఓ సూపర్ మార్కెట్లో వంట సామగ్రిని కొనుగోలు చేసిందట ఐష్.

ఆమె సామగ్రిని కొంటుంటే, ఏ వస్తువులను కొంటుందో చూసేందుకు అక్కడివాళ్లు ఎగబడ్డారట. ఆ సంగతి సరే... అసలు ఐష్ వంట చేసేటపుడు షూటింగ్‌కు అనుమతి ఇస్తే తమ టీవీల్లో "ఇల్లాలు- వంటలు" కార్యక్రమాల్లో వేసుకుంటామని పలు టీవీ ఛానళ్లు ఎగబడుతున్నాయట. ఐష్ నటనకే కాదు... వంట చేస్తున్నా డబ్బు పంటేనన్నమాట.