Deepika Padukone | temperature | youth | Delhi | దీపిక వెళ్లింది.. అక్కడ టెంపరేచర్ పెరిగింది

యువ హృదయాలను అవలీలగా కొల్లగొట్టగల నున్ననైన సన్నజాజి ముద్దుగుమ్మ దీపికా పదుకునే ఎక్కడికి వెళితే అక్కడ టెంపరేచర్ ఎకాఎకిన పెరిగిపోతోందట. ఇదేదో జ్వరం లాంటిదనుకునేరు. ఎండలట.. దీపిక పదుకునే ఎక్కడ అడుగుపెడితే చాలు అక్కడ బండలు పగిలే ఎండలు కాస్తున్నాయట.

ఇటీవల ఢిల్లీలో ఓ వాచీల కంపెనీ దీపికా పదుకునేతో తమ వాచ్ షో రూమ్‌ను ప్రారంభించాలని ఆమెను ఆహ్వానించిందట. అంతకుముందు రోజు వరకూ కాస్త చల్లగా ఉన్నదనిపించిన ఢిల్లీ, పదుకునే రావడంతో మహా వేడెక్కిందట.

ఇదిలావుంటే పదుకునేను చూసేందుకు కుర్రకారు ఆ షాపు వద్దకు తోసుకుంటూ వచ్చి ఆమెపై ఎగబడ్డారట. టీనేజ్ కుర్రకారు అందరూ ఒకేచోట గుంపుగా చేరడంతో బయట వేడీ, లోపల వేడీ అంతా కలిసి పదుకునేకు చమటలు పట్టించాయట. దీంతో "అయ్య బాబోయ్... నేనీ వేడిని తట్టుకోలేను.." అంటూ దీపిక అక్కడ నుంచి ఉడాయించిదట. మరి సన్నూ, సన్ ఆఫ్‌లతో పెట్టుకుంటే అంతే మరి...